Вы тут

Галоўчанка: Акцыя «Нашы дзеці» — добрая навагодняя традыцыя


Акцыя «Нашы дзеці» — добрая навагодняя традыцыя. Пра гэта заявіў прэм’ер-міністр Беларусі Раман Галоўчанка падчас наведвання гарадскога дзіцячага цэнтра медыцынскай рэабілітацыі «Пралеска» ў Валожынскім раёне, перадае БелТА.


«У нашай краіне ёсць добрая традыцыя — перад Калядамі і Новым годам ездзіць па ўсіх кутках нашай краіны, каб павіншаваць з чароўнымі зімовымі святамі дзяцей, галоўным чынам тых, хто ў сілу розных абставінаў апынуўся ў гэты час не дома. І, вядома ж, прыняць удзел у святочных мерапрыемствах, уручыць падарункі. І мяне, і ўсіх прысутных дарослых вельмі кранулі вашы песні, вершы, танцы, мы вельмі рады быць тут і разам з вамі сустракаць зімовыя святы», — сказаў Раман Галоўчанка.

Цэнтру медыцынскай рэабілітацыі ён прадаставіў сертыфікат на Br20 тыс. для закупкі медыцынскага абсталявання, а дзецям уручыў салодкія навагоднія падарункі. «Жадаю вам моцнага здароўя. За вамі будучыня нашай краіны. Будзьце патрыётамі, любіце сваю Радзіму», — даў наказ дзецям кіраўнік урада.

Прэм’ер-міністр таксама азнаёміўся з работай цэнтра медыцынскай рэабілітацыі, яму прадэманстравалі медыцынскае абсталяванне, пакоі для аздараўлення і вольнага часу дзяцей. Па выніках наведвання ён адзначыў, што ў цэнтры створаны выдатныя ўмовы для таго, каб дзеці змаглі перамагчы хваробу, аднавіць здароўе.

Цэнтр «Пралеска» быў адкрыты ў 1987 годзе для лячэння дзяцей з захворваннямі страўнікава-кішачнага тракту, з захворваннямі органаў дыхання і органаў зроку, а таксама для лячэння дзяцей з артапедычнай паталогіяй. Ён размешчаны ў лясным масіве ў аграгарадку Ракаў Валожынскага раёна за 30 км ад Мінска.

Навагодняя дабрачынная акцыя «Нашы дзеці» праходзіць з 15 снежня 2022 года па 15 студзеня 2023-га. Напярэдадні Новага года прадстаўнікі органаў дзяржаўнай і мясцовай улады, а таксама грамадскіх аб’яднанняў традыцыйна наведваюць дзіцячыя ўстановы інтэрнатнага тыпу, прыёмныя і апякунскія сем’і, дзіцячыя дамы сямейнага тыпу, сем’і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі і дзіцячыя бальніцы, каб павіншаваць дзяцей са святамі і ўручыць ім падарункі.

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».