Вы тут

Шпіёнскі дэтэктыў, Паўлінка і Караткевіч


Дзень беларускага кіно адзначаць тэматычнай рэтраспектывай фільмаў-юбіляраў 2022 года ў Музеі гісторыі беларускага кіно. Святочная праграма паказаў ідзе з 14 па 18 снежня. Кожны дзень глядачам паказваюць па адной знакавай стужцы айчыннага кінамастацтва. 


Так, у сераду наведвальнікі ўбачылі сацыяльна-псіхалагічную драму «Вяртанне Нэйтана Бэкера», якая была снята рэжысёрамі Барысам Шпісам і Рашэлям Мільманам у 1932 годзе. У пятніцу у праграме — шпіёнскі дэтэктыў Уладзіміра Корш-Сабліна «Дачка радзімы»: стужка 1937 году распавядае аб жыхарах прыгранічнага калгаса, якія зрываюць планы ворага. 

Наступныя паказы больш лірычныя. Так у суботу, 17 снежня, можна паглядзець фільм-спектакль «Паўлінка» па матывам аднайменнай камедыіі Янкі Купалы. Аляксандр Зархі, які звярнуўся ў 1952 годзе да класічнага твора беларускай літаратуры, апусціў шэраг камедыйных момантаў, але захаваў не толькі беларускі каларыт, але і лепшыя бакі тэатральнай першаасновы. Выканаўцамі сталі вядомыя айчынныя акцёры: Лілія Драздова, Уладзімір Дзядзюшка, Лідзія Ржэўская, Глеб Глебаў. 

Завяршаецца святочная рэтраспектыва фільмам, які паспеў ужо стаць класікай айчыннага кіно — «Хрыстос прызямліўся ў Гародні» рэжысёра Уладзіміра Бычкова. Гістарычная трагікамедыя, створаная ў 1967 годзе, адлюстроўвае падзеі XVI стагоддзя. Музей гісторыі беларускага кіно будзе паказваць фільмы два разы на дзень: у 15 і 17 гадзін. 

Як распавялі супрацоўнікі музея, святкаванне Дня беларускага кіно на гэтым не скончыцца. Так, 27 снежня адбудзецца ўрачыстае адкрыццё выставы «Почырк майстра», якая прымеркавана да 100-годдзя з дня нараджэння мастака-пастаноўшчыка кінастудыі «Беларусьфільм», заслужанага дзеяча мастацтваў БССР Яўгена Ганкіна. 

Арына КАРПОВІЧ

Прэв’ю: vk.com/cinemahist

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.