Вы тут

Мінімальная заработная плата павысілася да 554 рублёў


У Мінску на пляцоўцы Федэрацыі прафсаюзаў Беларусі прайшло пасяджэнне Нацыянальнага савета па працоўных і сацыяльных пытаннях. Былі абмеркаваны павышэнне мінімальнай заработнай платы і падведзены першыя вынікі рэалізацыі новага віду дадатковага пенсіённага страхавання з фінансавай падтрымкай дзяржавы. Нацсавет падтрымаў устанаўленне мінімальнай заработнай платы з 1 студзеня 2023 года ў памеры 554 рублі.


Фота: pixabay.com

Урадам на разгляд Нацыянальным саветам па працоўных і сацыяльных пытаннях была ўнесена прапанова аб устанаўленні з 1 студзеня 2023 года месячнай мінімальнай заработнай платы ў памеры 554 рублі. Тэмп росту да 1 студзеня 2022-га складзе 121,2 %. Нацыянальны савет дадзеныя прапановы падтрымаў. Нагадаем, за кастрычнік памер МЗП складае 483,17 рубля.

Падчас пасяджэння Нацыянальнага савета першы намеснік міністра працы і сацыяльнай абароны Наталля Паўлючэнка расказала, як працуе механізм добраахвотнага пенсіённага страхавання з фінансавай падтрымкай дзяржавы. Яна паведаміла, што за 1,5 месяца дзеяння праграмы заключана амаль шэсць тысяч дагавораў.

Сярод удзельнікаў у асноўным — жанчыны, іх больш за 65 %. Больш за 70 % работнікаў выбрала тарыф «3+3». Найбольш часты тэрмін страхавання — 3-13 гадоў (56 % дагавораў). Большасць работнікаў, а гэта 90 %, пажадала атрымліваць дадатковую пенсію на працягу 5 гадоў пасля выхаду на пенсію. Найбольш актыўна дагаворы па новай праграме заключаюць у Мінску і Мінскай вобласці — каля 36 % ад агульнай колькасці.

У цэлым, як адзначыла Наталля Паўлючэнка, новая праграма добраахвотных накапляльных пенсій — праграма «тры плюс тры» — гэта тры галоўныя плюсы, якія спалучаюць інтарэсы работніка, работадаўца і дзяржавы. Плюс для работніка — даступны і зразумелы механізм своечасовага назапашвання сродкаў на старасць з фінансавай падтрымкай дзяржавы і льгота па падаходным падатку. Памер заробку работніка, з якога работадаўцам вылічаецца падаходны падатак (13 %), будзе зменшаны на велічыню страхавога ўзносу, выплачанага за кошт сродкаў работніка. Акрамя таго, сярод станоўчых момантаў — магчымасць атрымання ў спадчыну пенсіённых накапленняў і гарантыя захаванасці апошніх.

Пры гэтым выдаткі работадаўца на пенсіённыя ўзносы не павялічацца. Плюсам для дзяржавы можна лічыць з'яўленне ў эканоміцы ўнутранай крыніцы доўгіх грошай, доўгатэрміновага інвестыцыйнага рэсурсу.

Алена КРАВЕЦ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.