Вы тут

Збірай, але правярай. Небяспека, якую тояць грыбы


Сёлетнія лета і верасень не надта радавалі аматараў ціхага палявання добрым ураджаем лясных грыбоў, а вось кастрычнік, асабліва яго другая палова, сталі грыбнымі па-сапраўднаму. Апенькі, маслякі, зялёнкі і іншыя лясныя прыгажуны ў кошыках грыбнікоў даюць падставы для гонару іх уладальнікаў і многіх прымушаюць адпраўляцца на пошукі дароў лесу.


Аднак трэба памятаць, што грыбы непрыдатныя для ўжывання ў ежу ці нарыхтоўкі на зіму, калі яны былі сабраны ў лесе ў зоне радыеактыўнага забруджання.

— Дзікарослыя грыбы вельмі добра назапашваюць радыенукліды цэзію-137, таму збіраць іх трэба толькі на чыстай тэрыторыі, — нагадвае ўрач-гігіеніст, загадчык аддзела радыяцыйнай гігіены Мінскага абласнога цэнтра гігіены, эпідэміялогіі і грамадскага здароўя Ларыса Сушэчэвіч. — Ужыванне радыеактыўна забруджаных дзікарослых грыбоў негатыўна адаб'ецца на здароўі чалавека. Радыенукліды цэзію-137 пры ўжыванні з прадуктамі харчавання назапашваюцца ў мышачнай тканцы і апраменьваюць практычна ўвесь арганізм.

Таму не варта збіраць дзікарослыя ягады і грыбы ў лесе ў зонах радыеактыўнага забруджання, а таксама набываць іх уздоўж аўтатрас: няма ніякай гарантыі, што яны не радыеактыўныя.

— Большасць прадаўцоў, якія рэалізоўваюць лясныя грыбы ці ягады ўздоўж аўтастрад, на стыхійных рынках, як правіла, не правярае іх на радыеактыўнае забруджанне, а пакупнік не задумваецца, што з грыбамі ці ягадамі купляе радыеактыўны цэзій-137, — папярэджвае медык.

А між іншым, рэалізацыя любой прадукцыі ўздоўж трас, на прыпынках, дарогах, каля магазінаў і ў іншых месцах неўстаноўленага гандлю з'яўляецца адміністрацыйным правапарушэннем.

Для выкарыстання сабранай у лесе прадукцыі не лішнім будзе праверыць яе на ўтрыманне радыенуклідаў цэзію-137. Такія даследаванні праводзяцца ў любым тэрытарыяльным цэнтры гігіены і эпідэміялогіі.

Пры гэтым любая прадукцыя, вырашчаная на прысядзібным участку або сабраная ў лесе для ўласнага спажывання, даследуецца на вызначэнне радыенуклідаў цэзію-137 у цэнтрах гігіены і эпідэміялогіі бясплатна.

Алена КРАВЕЦ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?