Вы тут

Заяц: рэзультатыўнасць жніва 2022 года ўнікальна высокая


Рэзультатыўнасць жніва 2022 года ўнікальна высокая за ўсю гісторыю суверэннай Беларусі. Пра гэта падчас наведвання фестывалю-кірмашу «Дажынкі» заявіў намеснік прэм’ер-міністра Беларусі Леанід Заяц, перадае БелТА.


«Уборку збожжавых і зернебабовых культур завяршылі з адназначна добрым вынікам: забяспечылі намалот больш за 8 млн т, намалацілі 907 тыс.т рапсу, чакаем больш за 2 млн т збожжа кукурузы. У цэлым чакаем ураджай больш за 11 млн т.гэта дазволіць забяспечыць выкананне паставак дзяржзаказу і ў поўным аб’ёме забяспечыць патрэбнасці дзяржавы. Нядрэнна адпрацавалі раёны нашай рэспублікі, усе вобласці дадалі валавы намалот адносна 2021 года. 20 раёнаў Беларусі перасягнулі лічбу ў 100 тыс. т, 4 гаспадаркі ў краіне забяспечылі ўраджайнасць звыш 100 ц/га. Такі вынік дасягнуты ўпершыню за ўсю гісторыю нашай суверэннай Беларусі», — сказаў Леанід Заяц.

Намеснік прэм’ер-міністра Беларусі дадаў: «У нас больш за 2680 камбайнаў, якія забяспечылі намалот звыш 1 тыс.т, 451 экіпаж, намалаціў больш за 2 тыс. т, 61 экіпаж, які перасягнуў лічбу 3 тыс. т, 11 экіпажаў намалацілі больш за 4 тыс. і 3 Экіпажы, якім удалося перавысіць 5 тыс. т. Рэкордны вынік у экіпажа, намалаціў больш за 6 тыс. т збожжа. Гэта нашы беларускія хлопцы на нашым беларускім камбайне вытворчасці „Гомсельмаша“. Гэта ўнікальны паказчык, вынік той стратэгіі і тактыкі, якой прытрымліваецца Прэзідэнт нашай краіны, які адказаў на ўсе пытанні тых, хто не верыў, ці правільным шляхам мы ідзём».


«Мы бачым сёння, які багаты стол у нашага спажыўца, колькі прадукцыі, якой мы гандлюем у суседніх краінах. Па выніках працы за 8 месяцаў наш экспарт склаў $5,168 млрд.гэта 125% адносна аналагічнага перыяду мінулага года. У нас верны шлях і годныя паказчыкі. Сёння хачу павіншаваць усіх аграрыяў нашай краіны з гэтым дасягненнем. Мы ўпэўненыя, што харчовая бяспека нашай дзяржавы гарантаваная», — сказаў на заканчэнне Леанід Заяц.

Фота: БелТА

Выбар рэдакцыі

Культура

Стасся Корсак: «Заставайцеся індывідуальнымі»

Стасся Корсак: «Заставайцеся індывідуальнымі»

Юная артыстка, якая арганічна падае сябе ў розных вобразах і жанрах. 

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.