Вы тут

Парламенцкі дзень у школах і ліга дэбатаў. Маладзёжны парламент аб напрамках дзейнасці


Усё актыўней у Беларусі развіваецца парламенцкі рух, арыентаваны на развіццё творчых, арганізатарскіх і кіраўнічых навыкаў моладзі. Маладыя людзі з усёй краіны аб'ядноўваюцца для рашэння сумесных праблем, а таксама для паляпшэння якасці адукацыі, адпачынку і дапамогі дзяржаўнаму апарату, прапаноўваюць інавацыйныя рашэнні, якія садзейнічаюць дабрабыту краіны. У чым заключаецца работа маладзёжнага парламента, як маладыя дэпутаты ўзаемадзейнічаюць з уладай, што запланавана да канца 2022 года — пра гэта і іншае ішла размова на прэс-канферэнцыі «Маладзёжны парламенцкі рух у Беларусі: актуальныя вынікі і перспектывы развіцця».


Як адзначыў старшыня Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці Віктар Лісковіч, на працягу апошніх гадоў Савет Рэспублікі актыўна займаецца выбудоўваннем сістэмы маладзёжнага парламентарызму ў Беларусі. Па меркаванні сенатара, вынікі работы маладзёжнага парламента першага склікання аказаліся значнымі. Нядаўна выбраны новы склад маладзёжнага парламента другога склікання.

— У нашай моладзі выклікае цікавасць удзел у парламенцкім руху рознага ўзроўню — раённага, абласнога, рэспубліканскага. Юнакі і дзяўчаты цікавяцца, як можна трапіць у гэтыя структуры. На маю думку, неабходна далучыць максімальную колькасць моладзі да грамадскай работы, рэалізацыі асабістых ініцыятыў на карысць краіны, — падкрэсліў Віктар Лісковіч. — Нездарма Прэзідэнт шмат увагі ўдзяляе развіццю маладзёжнай палітыкі, ролі моладзі ў рэалізацыі ініцыятыў, якія рухаюць наперад грамадста. На сёння звыш 50 маладзёжных парламенцкіх структур функцыянуе ў Беларусі. У маладзёжным парламенце — прадстаўнікі ўсіх рэгіёнаў краіны. Гэта вельмі важна, паколькі садзейнічае інфармаванасці аб дзейнасці маладзёжнага парламента. Вакол прадстаўнікоў парламентарыяў на месцах будзе фарміравацца дзейнасць іншых парламенцкіх структур.

Віктар Лісковіч нагадаў, што сёлета, у Год гістарычнай памяці, маладзёжным парламентам праведзена шмат тэматычных мерапрыемстваў, у прыватнасці «Цягнік памяці», які аб'яднаў 200 старшакласнікаў. Яны наведалі мясціны, дзе ішлі абарончыя і наступальныя баі ў гады Вялікай Айчыннай вайны. Усе ўдзельнікі выказалі жаданне стаць валанцёрамі ў падобных праектах.

Старшыня маладзёжнага парламента пры Нацыянальным сходзе Беларусі Мікіта Рачылоўскі расказаў, што другое скліканне пачала работу 5 жніўня. Памяняліся структура і склад маладзёжнага парламента. У папярэднім скліканні было 70 чалавек, у цяперашнім — 138, замест 6 профільных камісій стала 10, быў адзін намеснік старшыні, цяпер два. Прэзідыум раней прадстаўляла 8 чалавек, зараз — 13.

— Парламентарыі ажыццяўляюць дзейнасць на добраахвотных пачатках, не атрымліваюць платы. Гэта людзі, якія хочуць працаваць на карысць грамадства, уносіць уклад у развіццё маладзёжнага парламентарызму, — падкрэсліў Мікіта Рачылоўскі. — Мы працуем з дэпутацкім корпусам, сенатарамі, прымаем удзел у прамых тэлефонных лініях, прыёмах грамадзян. У жніўні самі ініцыіравалі дадаткова чатыры такія мерапрыемствы.

Як адзначыў Мікіта Рачылоўскі, у верасні маладзёжны парламент пачынае чацвёрты набор платформы «Каманда будучыні». Усе ахвотныя могуць падаць заяўку і прыняць удзел у мерапрыемствах, якія даюць магчымасць навучыцца прамоўніцкаму майстэрству, працаваць на камеру, публіку, у СМІ, мадэліраваць розныя сітуацыі, весці дзелавыя перамовы, прайсці трэнінгі па дрэскодзе. Аднаўляецца работа дыялогавай пляцоўкі «Беларусь будучыні», якая накіравана на абмеркаванне актуальных у жыцці беларускага грамадства і маладзёжнага асяроддзя. У яе межах плануюцца сустрэчы з працоўнымі калектывамі, рабочай моладдзю. Акрамя таго, распрацаваны два новыя праекты, якія стануць традыцыйнымі. Першы — адзіны парламенцкі дзень у каледжах і школах. Другі —Беларуская маладзёжная ліга дэбатаў. У гэтым годзе плануецца правесці другі беларускі парламенцкі форум.

— У распрацоўцы праект па стварэнні інфамацыйна-адукацыйнай тэлевізійнай праграмы «Здароўе берагчы з маладосці», — паведаміла старшыня камісіі маладзёжнага парламента па сацыяльнай палітыцы і ахове здароўя Вольга Ушкевіч. — Фарміраванне ўстаноўкі на здаровы лад жыцця — вельмі важны аспект: здароўе — справа не толькі медыкаў, але і ўсіх грамадзян. Толькі здаровая нацыя можа і будзе разві-
вацца.

Старшыня камісіі маладзёжнага парламента па міжнародных справах Аліна Рацькова засяродзіла ўвагу на перспектывах міжнароднага супрацоўніцтва, каардынацыі ўзаемадзеяння з маладзёжнымі парламентамі і структурамі замежных дзяржаў, удзеле членаў парламента ў праграмах міжнароднага супрацоўніцтва, развіцці маладзёжнай публічнай дыпламатыі.

Таццяна ЛАЗОЎСКАЯ

Фота Яўгена ПЯСЕЦКАГА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.