Вы тут

Новы турнір для юных барцоў пачынаецца ў Беларусі


Спартыўныя восень у Беларусі пачнецца з унікальнага турніру. У краіне стартуе першая «Ліга храбрых». Арганізатары — Беларуская федэрацыя барацьбы і Прэзідэнцкі спартыўны клуб. Спаборніцтвы пачнуцца 10 верасня на базе Мінскага гарадского цэнтра алімпійскага рэзерву па барацьбе імя Аляксандра Мядзведзя. У чым асаблівасці новага турніру і якія пытанні Ліга дапаможа вырашыць, расказаў Алім Селімаў, старшыня Беларускай федэрацыі барацьбы. 


«Як заўсёды, цікавыя ідэі прыходзяць выпадкова. Неяк вечарам, глядзеў у інтэрнэце відэа дзіцячых спаборніцтваў па футболе ў рамкай нейкай лігі. Потым пераключыўся на барацьбу. І прамільгнула думка, што было б добра і ў нас стварыць дарослую барцоўскую лігу. Але, шчыра кажучы, у нашай краіне барацьба не на такім высокім узроўні, каб ёй цікавілася ўсё насельніцтва. Аднак, у апошні час усё больш дзяцей цікавяцца адзінаборствамі, адкрываюцца новыя школы, секцыі. І я падумаў, што было б класна стварыць у нас дзіцячую лігу. Расказаў сваю ідэю калегам, яны яе падтрымалі. Ведаючы як трапятліва ставіцца да такіх спаборніцтваў Прэзідэнцкі спартыўны клуб, я звярнуўся туды. І яны падключыліся да падрыхтоўкі. Вялікі дзякуй за тое, што нас пачулі. Я спадзяюся, што разам мы зробім вялікае дзіцячае свята», — расказвае Алім Селімаў. 

Ён падкрэслівае, што гэта ў першую чаргу свята для дзяцей. А для трэнераў — магчымасць убачыць спартыўны рэзерв. Для кіраўнікоў — зрэз работы барцоўскіх школ у рэгіёнах. Акрамя таго, «Ліга храбрых» прыцягне ўвагу да барацьбы дзяцей і іх бацькоў. Карацей, у выйгрышы застаюцца ўсе. 

«Мы павінны зрабіць усё, каб вярнуць да барацьбы цікавасць нашых дзяцей. Гэта асноўная задача і мэты лігі. Масавы, дзіцячы спорт — гэта аснова спорту вышэйшых дасягненняў. Чым больш дзяцей будуць займацца барацьбой сёння, тым больш прафесіяналаў у нас будзе заўтра. Мы, дарослыя, павінны паказваць дзецям, што барацьба — гэта крута, гэта цікава, што ў барацьбе можна шмат чаго дабіцца. Нам трэба іх навучыць сапраўднаму барцоўскаму братэрству. І такія святыя для кожнага барца рэчы мы можам перадаць праз гэтую Лігу. Гэтае выхаванне ў патрэбным ключы. Гэта выхаванне ў духу патрыятызму. На вялікіх спаборніцтвах без сцяга і гімна ты адчуваеш сябе сіратой. На шчасце, мне не даводзілася так выступаць. Але я магу зразумець, што адчуваюць спартсмены ў такой сітуацыі. На такіх вялікіх стратах патрыятызм аб’ядноўвае спартсменаў, трэнераў. І мы хочам гэтыя каштоўнасці прывіваць і дзецям. Для нас гэта зусім новы праект. І я сапраўды сказаць хвалююся, каб гэты праект атрымаўся і каб ён не толькі адзін сезон дзейнічаў, але і далей існаваў», — дзеліцца старшыня Беларускай федэрацыі барацьбы. 

Дарэчы, такіх турніраў як «Ліга храбрых» на постсавецкай прасторы няма. У якім фармаце будзе дзейнічаць Ліга, якая аб’яднае тры віды барацьбы: вольную, грэка-рымскую і жаночую? У склад кожнай каманды (усе вобласці і горад Мінск) уваходзяць па 10 прадстаўнікоў кожнага віду барацьбы, па адным у кожнай вагавай катэгорыі. Такім чынам, у кожнай камандзе па 30 чалавек. У залік камандных вынікаў уключаюцца паядынкі ў трох відах барацьбы па выніках 30 схватак. Турнір праводзіцца па сістэме з прамым выбываннем ад 1/4 да фіналу, як камандныя спаборніцтвы. Удзельнікі лігі — хлопчыкі і дзяўчынкі 2007-2008 гадоў нараджэння. Плануецца, што ў месяц будзе праходзіць па два турніры Лігі. Дынамічна і ярка. 

Алім Селімаў падкрэслівае, што гэта будзе своесаблівае спартыўнае шоу — тое, чаго патрабуе сучасная спартыўныя аўдыторыя. «Калі ёсць шоу, то ёсць і аўдыторыя. Напрыклад, наш чэмпіянат краіны паглядзела больш за мільён чалавек. Прагляды былі не толькі з нашай краіны. Самае цікавае, што найменш праглядаў было з Беларусі. І гэта трэба выпраўляць, трэба паказваць, што барацьба гэта медалеёмкі від спорту, вельмі цікавы як для спартсменаў, так і для гледачоў», — адзначае ён. 

Валерыя СЦЯЦКО

Фота: Лізавета ГОЛАД

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?