Вы тут

Прыроды імгненні-дзівосы


Напярэдадні Дня гумару, выдумшчыка і дзівака, які адзначаюць 1 красавіка, самы раз паварушыць сваю фатаграфічную скарбонку і яшчэ раз з усмешкай угледзецца ў сюжэты злоўленых імгненняў, якія тымі ці іншымі дзівосамі, светам і цеплынёй цешаць нас.


Згадаў і чыёсьці меркаванне, што ўсё ў свеце рухаецца дзякуючы дзівакам, выдумшчыкам, людзям з вясёлым характарам. Пры гэтым побач з вобразам Эйнштэйна з высунутым языком успомніў і казачнага барона Мюнхгаўзена.

Цікавыя сітуацыі заўсёды побач. Проста неабходна крышачку прыгледзецца і абавязкова саступіць са сцяжыны занудства. Вунь якую «карэту» ў адну конскую сілу змайстраваў мясцовы вынаходнік – сабе зручнасць, людзям пацеха.

Ці вось як настырна патрабуе пачастунак белакрылы бусел, якога жанчына выхадзіла, выратавала ад гібелі пасля ўдару маланкі, што трапіла ў буслянку.

Думаеце, чаго гэта дрыгахвостая пліска заглядае ў аўтамабільнае люстэрка? Шукае суперніка, які, на птушыную думку, прэтэндуе на шлюбныя лапку ці крыло сяброўкі. Яго неабходна выкурыць з гэтай схованкі!

А вунь зайцы, нібы дзеці, гуляюць, пляскаюць у лапкі, гарэзяць на квітнеючым лузе, а за імі са сваёй тэхнічнай схованкі сочыць хітры агніста-руды кот.

З гонарам за давер гаспадароў усеўся ля рычагоў трактара Шарык. Здаецца, вось-вось паедзе.

Была прычына тэлеаператару спужацца – як-ніяк сам дзік стаў прэтэндаваць на рэпартаж!

Спадзяюся, гэтыя сюжэты з жыцця падарылі вам хвіліны радасці і падмацавалі меркаванне, што сусвет складаецца з дзівосаў!

Васіль ЗЯНЬКО

Фота аўтара

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.