Вы тут

Рунец: Ва ўмовах санкцый зняцце Расіяй абмежаванняў набывае асаблівую актуальнасць


Старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец аб зняцці з сённяшняга дня абмежаванняў на перамяшчэнне грамадзян Беларусі і Расіі і рамках Саюзнай дзяржавы:


— Свабода перамяшчэння — адно з канстытуцыйных правоў грамадзяніна. Зняцце з сённяшняга дня ўсіх абмежаванняў, звязаных з бесперашкодным перамяшчэннем грамадзян у рамках Саюзнай дзяржавы — правільнае і патрэбнае ў цяперашніх умовах рашэнне, дасягнутае на ўзроўні ўрадаў нашых краін, — падкрэслівае сенатар. 

Яна адзначае: бакі разумелі, што антыковідныя абмежаванні носяць часовы характар і будуць знятыя. 

— Але гэтае рашэнне набывае асаблівую актуальнасць менавіта цяпер, калі беспрэцэдэнтны санкцыйны ціск калектыўнага Захаду на Беларусь і Расію ўплывае на выбудаваныя намі вытворчыя ланцужкі і напрацаваныя кааперацыйныя сувязі, — акцэнтуе ўвагу Таццяна Рунец. 

Старшыня профільнай камісіі канстатуе: у гэтых умовах як ніколі важна быць разам, быць адзіным цэлым і здымаць перашкоды на шляху адзін аднаго. 

— У гэтым і заключаецца сутнасць саюзнага будаўніцтва, калі грамадзяне абедзвюх дзяржаў маюць магчымасць бесперашкодна перасоўвацца, узаемадзейнічаць, супрацоўнічаць на тэрыторыі Саюзнай дзяржавы, — пераканана суразмоўніца. 

Яна выказала ўпэўненасць, што рашэнне аб зняцці ўсіх абмежаванняў паслужыць на карысць умацаванню эканамічнай інтэграцыі абедзвюх краін.

— Нас — парламентарыяў — чакае актыўная праца па ўніфікацыі і гарманізацыі нацыянальных заканадаўстваў, прадугледжаная ў рамках рэалізацыі 28 саюзных праграм, зацверджаных на ўзроўні Вышэйшага дзяржсавета. Гэта ў сваю чаргу паспрыяе эканамічнаму збліжэнню Беларусі і Расіі і ўмацаванню пазіцый у процівагу санкцыйнаму прэсінгу недружалюбных нам краін, — рэзюмуе Таццяна Рунец.

Вольга АНУФРЫЕВА

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».