Вы тут

Сочым, каб цэны былі адэкватныя


Міністэрства антыманапольнага рэгулявання і гандлю ўзважана падыходзіць да рэгулявання цэн з улікам рызык і хутка рэагуе на сітуацыю. Аб гэтым заявіў міністр антыманапольнага рэгулявання і гандлю Аляксей БАГДАНАЎ, перадае БелТА.


«У нас узважаны падыход да фарміравання цэнавай палітыкі. Улічваем усе рызыкі і хутка рэагуем на сітуацыю. Арыентуемся на тое, каб цана на паліцы магазіна была адэкватнай і справядлівай, каб пакупнік мог купіць тавар, а вытворца і прадавец маглі зарабіць», — сказаў Аляксей Багданаў.

Ён адзначыў, што цяпер у Беларусі дзейнічаюць розныя формы цэнавага рэгулявання. Так, пастанова ўрада ад 23 лютага 2021 года нумар 100 прадугледжвае жорсткія меры рэгулявання цэн на сацыяльна значныя тавары першай неабходнасці. З 15 снежня 2021 года жорсткае рэгуляванне цэн распаўсюджваецца на 29 пазіцый сацыяльна значных тавараў (сярод іх мука, ячныя крупы, хлеб, ялавічына, свініна, курыца, малако, кефір, смятана, тварог, некаторыя садавіна і гародніна, цукар і інш.), а таксама 50 пазіцый лекавых сродкаў.

Акрамя таго, урад абмежаваў гранічныя максімальныя ўзроўні адпускных і рознічных цэн са студзеня па май 2022 года на асобныя віды айчыннай прадукцыі. Дзеянне пастановы распаўсюджваецца на свежую бульбу, белакачанную капусту, сталовыя буракі і моркву, рэпчатую цыбулю, яблыкі.

«Таксама захоўваецца сацыяльная накіраванасць: дзейнічаюць 10-працэнтныя скідкі для ўразлівых слаёў насельніцтва. Гандлёвыя арганізацыі пайшлі насустрач МАРГ і не збіраюцца адмаўляцца ад дамоўленасцей», — падкрэсліў міністр. Зніжка даецца пенсіянерам, інвалідам, шматдзетным сем’ям і малазабяспечаным слаям насельніцтва. У ліку тавараў, на якія яна распаўсюджваецца, — хлеб, мука, аўсяныя шматкі, ячныя крупы, сухія макаронныя вырабы, ялавічына, свініна, курыца, малако, кефір, смятана, тварог, яйкі, яблыкі, агародніна і іншыя тавары. Да пагаднення далучыліся 17 гандлёвых сетак

Фота БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.