Вы тут

Сяргей Рачкоў: Польскія ўлады ствараюць напружанасць рэгіянальнай бяспекі


Старшыня Пастаяннай камісіі Савета Рэспублікі па міжнародных справах і нацыянальнай бяспецы:


— Тое, што адбываецца зараз на граніцы (уведзена надзвычайнае становішча, сцягваюцца войскі і выкарыстоўваюцца супраць мірнага насельніцтва, людзі знаходзяцца ў жахлівым становішчы, ім не аказваецца ніякая дапамога) інакш як парушэннем польскімі ўладамі сваіх абавязацельстваў у рамкахміжнароднага дагавора гуманітарнага права ўспрымаць нельга, — перакананы сенатар. 

Беларускага парламентарыя абурае тое, што ўлады Еўрапейскага саюза не звяртаюць увагу на складаную сітуацыю з мігрантамі:

— Я нават сказаў бы, на выбухованебяспечную сітуацыю, — падкрэслівае Сяргей Рачкоў. — Тое, што робяць польскія ўлады, выходзіць за межы не толькі здаровага сэнсу, але стварае напружанасць з пункту гледжання рэгіянальнай бяспекі на граніцы. 

Старшыня профільнай камісіі падкрэслівае: беларускія памежнікі вядуць сябе вельмі стрымана і прафесійна, а беларускія ўлады аказваюць максімальную дапамогу мігрантам, якія апынуліся ў бядзе не па віне нашай краіны. 

— Мы не запрашалі грамадзян Сірыі, Ірака, іншых афрыканскіх краін і з Бліжняга Усходу ў вольную, талерантную, цывілізаваную Еўропу. Я кажу ўжо з іроніяй аб гэтым, бо паводзіны прадстаўніка ЕС (а Польшча актыўны яе член) не ўпісваюцца ні ў якія рамкі міжнароднага права і цывілізаваных адносін да людзей, — акцэнтуе ўвагу Сяргей Рачкоў.

Са свайго боку ён заклікаў народных абраннікаў Польшчы, парламентарыяў звярнуць увагу на сітуацыю, якая складваецца з мігрантамі, уключыцца ў яе вырашэнне мірнымі, цывілізаванымі і канструктыўнымі мерамі. 

— Беларускія парламентарыі таксама гатовы да гэтай работы і ўзаемадзеяння, — кажа ён. — У нас з Польшчай існуюць міждзяржаўныя механізмы па абмеркаванні розных пытанняў па сітуацыі па нашай граніцы. Таму канструктыўнымі метадамі і метадамі ўзаемнага пошуку вырашэння сітуацыі можна выйсці з гэтага найскладанейшага становішча. 

Аднак у першую чаргу, лічыць ён, трэба звярнуць увагу на людзей, якія апынуліся ў небяспечнай сітуацыі:

— Гінуць людзі, жанчыны, ужо і дзеці, таму Еўрапейскі саюз павінен уключацца, не дыскутаваць аб нейкіх санкцыях у адносінах да Рэспублікі Беларусь, нейкіх новых пакетах, а паглядзець, што адбываецца на мяжы Еўрасаюза. Як сябе паводзяць так званая «цывілізаваная» нацыя ў адносінах да іншых людзей, якія апынуліся ў бядзе не па сваёй віне, — рэзюмуе старшыня профільнай камісіі. 

Вольга АНУФРЫЕВА

Фота sb.by

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?