Вы тут

У Нацыянальнай бібліятэцы Беларусі святкуюць юбілей Музея кнігі


Сёння, а 16-й гадзіне ў Нацыянальнай бібліятэцы Беларусі адкрыецца выстаўка «5+5+5», прымеркаваная да 15-годдзя з часу адкрыцця Музея кнігі. 


Фота: pixabay.com

У межах юбілейнай выстаўкі будуць прадстаўлены: 5 рукапісаў, 5 старадрукаваных і 5 рэдкіх выданняў — 15 сапраўдных рарытэтаў з фондаў бібліятэкі, якія выключна рэдка пакідаюць фондасховішча. Працаваць выстаўка будзе да 24 кастрычніка 2021 года. 

— Адкрыццю выстаўкі будзе папярэднічаць «круглы стол» «Музей кнігі. 15 гадоў», — расказвае намеснік дырэктара Нацыянальнай бібліятэкі Беларусі вядомы даследчык беларускай кніжнай культуры Алесь СУША. — Падчас мерапрыемства плануецца абмеркаванне ролі Музея кнігі ў папулярызацыі беларускай кніжнай культуры, вывучэнне праблем і інавацыйных падыходаў, дыскусія аб перпсектывах і кірунках далейшай дзейнасці. Да ўдзелу запрошаны супрацоўнікі музеяў і бібліятэк, навуковых і адукацыйных устаноў, даследчыкі. Сёння падчас урачыстасцяў мы абвесцім і конкурс «Музей кнігі — мой музей!», да ўдзелу ў якім запрашаем дзяцей і падлеткаў ад 6 да 16 гадоў. Конкурсныя працы будзем чакаць да 17 кастрычніка. Умовы конкурсу будуць выкладзены і на партале бібліятэкі. 

З юбілейных урачыстасцяў — і выстаўка па выніках конкурса «Малады беларускі экслібрыс». 

Мікола БЕРЛЕЖ

Прэв’ю: pixabay.com

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.