Вы тут

Андрэй Кунцэвіч: Усебеларускі народны сход, па сутнасці, працягваецца


Гэтую думку агучыў намеснік кіраўніка Адміністрацыі Прэзідэнта падчас сустрэчы ў Бялынічах з актывам раёна.


— Тыя пасылы, што былі дадзены Прэзідэнтам, дэлегатамі сходу з асноўнай трыбуны, сёння актыўна абмяркоўваюцца ў працоўных калектывах, у рэгіёнах. І гэта значыць, што ў працэс дзяржаўнага будаўніцтва, абмеркавання найбольш надзённых пытанняў, якія датычацца інтарэсаў нашай дзяржавы, сапраўды, уцягнутая ўся Беларусь. Зразумела, што тут, у рэгіёнах, людзей у першую чаргу хвалюе, як будзе развівацца іх малая радзіма. Усе звярнулі ўвагу, што адзін з асноўных прыярытэтаў пяцігодкі — гэта менавіта моцныя рэгіёны. Для пацверджання гэтага дзяржавай запланаваны сур’ёзныя інвестыцыі ва ўмацаванне рэгіянальнай інфраструктуры, што , безумоўна, адаб’ецца на павышэнні якасці жыцця на перыферыі. Мы кажам пра тое, што сёння трэба раўнамерна развіваць рэгіёны. І шэраг пунктаў пяцігадовай праграмы датычыцца якраз гэтых рэчаў. Гэта і рамонт мастоў, і стварэнне міжраённых шматпрофільных цэнтраў, і далейшае развіццё сеткі ўстаноў адукацыі, і, галоўнае, стварэнне новых вытворчасцяў, якія дазволяць жыхарам рэгіёнаў мець годную работу і зарплату.

Андрэй Кунцэвіч азнаёміў прысутных з галоўнымі аспектамі Усебеларускага народнага сходу і нагадаў пра дасягненні за апошнія 25 гадоў існавання незалежнай Беларусі. Ён падкрэсліў, што тыя здабыткі, якія краіна назапасіла за гэтыя гады, сёння падвяргаюцца сур’ёзным пагрозам звонку. І для таго, каб захаваць сваю незалежнасць, трэба шмат працаваць. Ён звярнуў увагу на тое, што сёння ўсе кіраўнікі прадпрыемстваў, арганізацый і гэтак далей, павінны ўзяць на сябе функцыі галоўных ідэолагаў і адсочваць не толькі эканоміку, але і тое, чым жыве іх калектыў.

Нэлі ЗІГУЛЯ

Фота аўтара                                                                  

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?