Вы тут

У студэнтаў-мытнікаў БДУ з'явілася карпаратыўная фуражка


Яна выканана ў белым колеры, які сімвалізуе маладосць, з аксамітным зялёным аколышам (традыцыйным для мытнай геральдыкі). На фуражцы размешчаны кант цёмна-сіняга карпаратыўнага колеру БДУ і кукарда з эмблемай кафедры мытнай справы. Галаўны ўбор стаў атрыбутам студэнтаў-першакурснікаў, якія будуць насіць яго на розных універсітэцкіх культурных і ўрачыстых мерапрыемствах.


Фота БДУ

Ідэя ўвядзення традыцыі вядомага атрыбута належыць загадчыку кафедры мытнай справы факультэта міжнародных адносін БДУ Віктару Астрогу, а ўвасобілі яе ў жыццё работнікі беларускай фабрыкі галаўных убораў «Людміла».

З 2000 года кафедрай мытнай справы БДУ падрыхтавана больш за 900 высокакваліфікаваных спецыялістаў. Для навучання студэнтаў рэгулярна прыцягваюцца практыкі, частка выкладчыкаў мае вопыт службы ў мытных органах Беларусі. Выпускнікі працуюць у мытных органах і ў сферы міжнароднай лагістыкі.

Традыцыя нашэння фуражак як аднаго з прадметаў студэнцкай уніформы нарадзілася ва ўніверсітэтах Германіі ў XVІІІ стагоддзі. Па колеравай гаме галаўнога ўбору і наяўнасці на ім дадатковых элементаў (стужак, значкоў) можна было вызначыць прыналежнасць да таго ці іншага студэнцкага брацтва.

Надзея НІКАЛАЕВА

Загаловак у газеце: Прыналежнасць да брацтва

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.