Вы тут

Чарговы нетрывіяльны фільм пра вайну: глядзім і абмяркоўваем


Ужо трэці паказ з кінакрытыкам, што праводзяцца ў рамках выставы Цэнтра сучасных мастацтваў «Алфавіт вайны», адбудзецца ў будынку на Някрасава 7 жніўня. Гэтым разам гледачы будуць глядзець і абмяркоўваць карціну Віктара Турава «Сыны ідуць у бой» з Нінай Ургант у галоўных ролях і песнямі на тэксты Высоцкага. Мадэратарам сустрэчы выступіць Тарас Тарналіцкі.


Серыя паказаў «Кіно дзяцей вайны. Асабісты погляд на Вялікую Айчынную рэжысёраў-шасцідзесятнікаў» зладжаная адным з аўтараў выставы Дзінай Даніловіч пры падтрымцы «Беларусьфільма». Пачалася яна таксама з Віктара Турава: на першай сустрэчы ў чэрвені — яны ладзяцца штомесяц — была паказана карціна «Цераз могілкі», уключаная ў спіс ста найлепшых фільмаў пра вайну па версіі ЮНЭСКА.

Стужка «Сыны ідуць у бой» з’яўляецца другой у створанай паводле рамана Алеся Адамовіча дылогіі, якую адкрыла работа «Вайна пад стрэхамі». У цэнтры ўвагі аказваецца Ганна Корзун у выкананні Ніны Ургант, калі абодва яе сыны падчас Вялікай Айчыннай ідуць у партызаны. Уладзімір Высоцкі, які да гэтага зняўся ў нязначных ролях у тураўскіх фільмах «Я родам з дзяцінства» і «Вайна пад стрэхамі», напісаў для «Сыноў» некалькі песень.

Мадэратар паказа прапануе абмеркаваць, як фільм «ператварыў маладога рэжысёра ў сапраўднага кінамайстра і як гэтаму паспрыяла сяброўства з Уладзімірам Высоцкім».

Пасля карціны «Сыны ідуць у бой» у серыі застанецца апошні паказ — у верасні ў ЦСМ можна будзе ўбачыць і, вядома, абмеркаваць шэдэўр Элема Клімава «Ідзі і глядзі», таксама зняты па сцэнарыі Алеся Адамовіча.

Ірэна КАЦЯЛОВІЧ

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.