Вы тут

У Рагачоўскім раёне затрымалі аўтатранспарт з выкрадзенымі каровамі


У Рагачоўскім раёне затрымалі аўтатранспарт з выкрадзенымі рагулямі. Абедзвюм жывёлам «прырабілі ногі» ноччу, паведамляе УУС Гомельскага аблвыканкама.


Двое жыхароў Рагачоўскага раёна 1990 і 1983 гадоў нараджэння з 46-гадовым жыхаром Жлобіна выехалі на ферму ў вёску Іскань Быхаўскага раёна. Там з кароўніка вывелі дзвюх цялушак агульнай вагой 900 кілаграмаў і пагрузілі іх у спецыяльна абсталяваны для гэтых мэт мікрааўтобус «Фальксваген LT». Пасля чаго рушылі ў бок Рагачова. У 2.30 ночы аўтамашына была спыненая супрацоўнікамі міліцыі каля вёскі Званец Рагачоўскага раёна. Рэйдавая група праваахоўнікаў адпрацоўвала Журавіцкі і Званецкі сельсаветы на прадмет прафілактыкі крадзяжоў з сельгаспрадпрыемстваў. Выкрадзеная буйная рагатая жывёла была вернута гаспадарцы. У дачыненні да падазраваных распачата крымінальная справа за крадзеж, учынены групай асоб. Ім пагражае пакаранне ў выглядзе пазбаўлення волі да чатырох гадоў.

Сяргей РАСОЛЬКА

Прэв'ю: fermahelp.ru

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.