Вы тут

БРСМ даў старт рэспубліканскаму праекту «Моладзь — за ўраджай!»


Беларускі рэспубліканскі саюз моладзі даў старт рэспубліканскаму праекту «Моладзь — за ўраджай!»


Традыцыйна ён праводзіцца ва ўсіх рэгіёнах краіны ў перыяд уборачнай кампаніі. Спаборніцтвы арганізуюцца сярод маладзёжных экіпажаў камбайнаў і маладых кіроўцаў, занятых на адвозцы збожжавых і зернебабовых культур. Пры кожным тэрытарыяльным камітэце БРСМ ствараюцца штабы, якія займаюцца пытаннямі, звязанымі з праектам і ўдзелам моладзі ва ўборачнай кампаніі.

Спаборніцтвы пройдуць у намінацыях «Маладзёжны экіпаж камбайнераў, які дасягнуў найбольшага намалоту» і «Малады кіроўца, што перавёз найбольшую колькасць збожжа». Пераможцамі стануць першыя экіпажы-тысячнікі і кіроўцы, якія занялі прызавыя месцы па выніках уборачнай кампаніі.

Тэхніку, на якой працуе моладзь, пазначаюць адмысловымі налепкамі «Маладзёжны экіпаж» і «Малады кіроўца». Ушанаванні лідараў з уручэннем пераможцам дыпломаў і вымпелаў праходзяць на палях. А іх бацькам накіроўваюць падзячныя лісты... Пераможцаў спаборніцтваў у кастрычніку запросяць на рэспубліканскі форум сельскай моладзі, дзе ўручаць каштоўныя падарункі.

Сачыць за ходам рэспубліканскага праекта «Моладзь — за ўраджай!» можна на афіцыйных інтэрнэт-рэсурсах БРСМ, а таксама ў групах маладзёжнай арганізацыі ў сацыяльных сетках пад хэштэгамі #молодежьзаурожай, #жатвабеларуси2019, #малаяродина.

Сяргей РАСОЛЬКА

Загаловак у газеце: Маладыя лідары жніва

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.