Вы тут

Кляшчоў сёлета стала менш


З надыходам цяпла актывізаваліся крывасмокі нашых лясоў і палёў — кляшчы. У сакавіку на Брэстчыне зафіксавана 14 выпадкаў укусаў, шасцёра сярод пацярпелых — дзеці. Кляшчы кусалі людзей у Брэсцкім, Іванаўскім, Кобрынскім, Маларыцкім, Пінскім, Пружанскім раёнах.


Гэта здаралася як у лесе, так і на прыватных падворках, а таксама пры выгуле сабак. На дзяцей крывасмокі ў асноўным нападалі, калі тыя гулялі з хатнімі жывёламі. Але прыведзеныя ўрачом-энтамолагам абласнога цэнтра гігіены, эпідэміялогіі і грамадскага здароўя Ларысай ЯРАЦ лічбы нашмат меншыя, чым былі ў гэты час летась. У мінулым годзе за першы квартал пацярпела 73 чалавекі, з іх 28 дзяцей. Значыць, сакавіцкія маразы паўплывалі на папуляцыю насякомага.

Пра гэта сведчаць і вынікі даследавання, якое правялі спецыялісты на так званым клешчавым стацыянары Чырвоны Двор пад Брэстам. У пачатку месяца там не знайшлі ніводнага насякомага на ўмоўную адзінку адлегласці — флагакіламетр, у сярэдзіне месяца заўважана 11 экзэмпляраў, у канцы месяца — 8 кляшчоў. Летась паказчыкі колькасці былі такія: 6, 59 і 40 экзэмпляраў.

— Кляшчоў паменшала, але страчваць пільнасць з гэтай нагоды нельга, — папярэджвае начальнік аддзела эпідэміялогіі названага цэнтра Алена ПАДУШКІНА. —
У паловы крывасмокаў, якія былі абследаваныя лабараторыяй, знойдзены ўзбуджальнікі лайм-барэліёзу. Таму трэба выконваць неабходныя меры бяспекі, клапаціцца пра шчыльнае адзенне, асабліва пры наведванні лесу.

Святлана ЯСКЕВІЧ

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.