Вы тут

У Вялікім тэатры адкрываецца 85-ы сезон


Дзеянне «Травіяты» перанесена ў сучасны Парыж, а галоўная гераіня хварэе на рак

Гэта адбудзецца сёння: адкрыццё 85-га сезона ў Вялікім тэатры і прэм'ера оперы «Травіята» Джузэпэ Вердзі, рэжысёрам якой стаў латвіец Андрэйс Жагарс.


Опера ў нейкім сэнсе паўтарыла лёс сваёй першакрыніцы — рамана Аляксандра Дзюма малодшага «Дама з камеліямі». Раман, з куртызанкай у якасці галоўнай гераіні, быў прызнаны амаральным, але ў той жа час стаў хітом і перайшоў у лік абсалютных шэдэўраў сусветнай літаратуры. Першы варыянт «Травіяты» Джузэпэ Вердзі чакала нешта падобнае — першапачатковае фіяска і ўсё ж такі статус адной з найвядомейшых і найпапулярнейшых у тэатральным рэпертуары опер. У адным толькі беларускім Вялікім яна ставіцца ўжо шосты раз.

І новая пастаноўка апелюе ўжо не да XІX стагоддзя, а да сучаснасці, таму, напрыклад, хваробай, ад якой памірае галоўная гераіня, становіцца не туберкулёз, а рак. Андрэйс Жагарс праанансаваў, што «Травіята» ў яго інтэрпрэтацыі для нашага тэатра будзе ў першую чаргу казаць пра «публічную адзіноту».

У распачатым сёння новым сезоне Вялікага тэатра апроч «Травіяты» адбудзецца яшчэ тры прэм'еры: балетмайстар Марыінскага тэатра Санкт-Пецярбурга Вячаслаў Хамякоў прадставіць балет «Карсар», Міхаіл Панджавідзэ паставіць «Тоску» Джакома Пучыні, Аляксандр Ціцель — «Багему» зноў жа Пучыні. Генеральны дырэктар тэатра Уладзімір Грыдзюшка паабяцаў таксама, што ў будучым сезоне захаваюцца традыцыйныя мерапрыемствы — Калядны оперны форум, Калядны конкурс вакалістаў, Вялікі калядны баль і Балетнае лета ў Вялікім.

Прэм'ерныя паказы «Травіяты» тым часам адбудуцца сёння, 8-га, і 10 верасня.

Сафія КІСЯЛЁВА

Загаловак у газеце: Спачатку — «Травіята»

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.