Вы тут

У Вілейскім раёне з'явіўся свой птушыны сімвал


Папярэдне на сайце раённай газеты «Шлях перамогі» было аб'яўлена галасаванне, у якім прыняло ўдзел каля 500 чалавек.


Акрамя таго, па гэтым пытанні можна было выказацца па тэлефоне або накіраваць прапановы паштоўкай з абгрунтаваннямі за таго або іншага прэтэндэнта. У выніку аднолькавую колькасць галасоў атрымалі бусел і кнігаўка — па 170. Аднак з улікам тэлефоннага і паштовага галасавання свайго канкурэнта апярэдзіў бусел. На сімвал горада таксама прэтэндавалі белая чапля, арлан-белахвост, дзяцел. Аднак яны адсталі ад сваіх «калег».

Вынікі галасавання зацверджаны на сесіі раённага Савета дэпутатаў.

Як мне здаецца, большасць віляйчан спынілася менавіта на гэтай птушцы як сімвале раёна невыпадкова. Уязны знак у Вілейку вянчае буслінае гняздо наверсе. Буслянку ўладкаваў былы вадзіцель, а цяпер пенсіянер Сяргей Казлоўскі. «Кватэра» спадабалася новым жыхарам, і яны пасяляюцца тут кожную вясну. Ну, а віляйчане назіраюць за палётам гэтых прыгожых птахаў і радуюцца: дзе жыве бусел — там будзе шчасце і дабрабыт.

Сімвал раёна, дарэчы, можна будзе выкарыстоўваць у турыстычных мэтах: вырабляць сувеніры, паштоўкі, устанаўліваць малыя архітэктурныя формы і кампазіцыі, прыцягваць гасцей нейкімі легендамі, казкамі пра буслоў, звязанымі з тутэйшымі мясцінамі.

Таццяна ЛАЗОЎСКАЯ

lazovskaya@zviazda.by

Загаловак у газеце: Вілейшчына пад белымі крыламі

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.