Вы тут

На якім аўтамабілі ездзілі Радзівілы?


Каб пабачыць Нясвiжскi палац, не абавязкова ехаць у Нясвiж.

Кажуць: калi гара не iдзе да Магамета, то Магамет iдзе да гары. Кiруючыся гэтым жа прынцыпам, супрацоўнiкi Нацыянальнага гiсторыка-культурнага музея-запаведнiка «Нясвiж» распрацавалi перасоўную выстаўку «Нясвiжскi замак у часе i гiсторыi». Больш як тры дзясяткi фотаздымкаў з фондаў музея-запаведнiка расказваюць пра розныя моманты гiсторыi Нясвiжскага палаца i дынастыi Радзiвiлаў.


Аў­та­ма­бiль «Мер­се­дэс», якiм ва­ло­да­лi Ра­дзi­вi­лы. Па­ча­так ХХ ста­год­дзя.  Фо­та з фон­даў На­цы­я­наль­на­га гiс­то­ры­ка-куль­тур­на­га му­зея-за­па­вед­нi­ка «Ня­свiж».

З мiнi-экспазiцыяй ужо паспелi аб'ехаць некаторыя школы Нясвiжскага, Клецкага раёнаў, завiталi ў сталiцу. Цягам лета выстаўка кватаруе ў Прэзiдэнцкай бiблiятэцы Рэспублiкi Беларусь. Як прыемны бонус да яе — асобная экспазiцыя выданняў з некалi багатага радзiвiлаўскага кнiгазбору, што сёння захоўваюцца ў фондах Прэзiдэнцкай бiблiятэкi.

— Летась наш музей-запаведнiк наведала больш як 400 тысяч чалавек, таму зразумела, што праца з наведвальнiкамi — асноўная для нашых супрацоўнiкаў. Але мы прадстаўляем музей-запаведнiк не толькi ў сценах самога замка i Ратушы, i перасоўная мiнi-выстаўка, якая вандруе па школах, унiверсiтэтах, — адзiн са спосабаў расказаць гiсторыю i сучаснасць Нясвiжскага палаца, — кажа намеснiк дырэктара музея-запаведнiка «Нясвiж» Змiцер ЯЦКЕВIЧ.

Выстаўка дазваляе пабачыць, якiм быў Нясвiжскi замак, калi яго толькi пабудавалi ў канцы XVI стагоддзя (пра гэта распавядае самая першая вядомая выява палаца — гравюра Тамаша Макоўскага 1604 года), i тое, як ён выглядае сёння. Знаёмiць з некаторымi прадстаўнiкамi роду Радзiвiлаў — яго жыхарамi i ўладальнiкамi палаца, дазваляе пабачыць, як жылi прадстаўнiкi гэтай знакамiтай дынастыi.

Наогул Радзiвiлы ва ўсе часы вельмi цiкавiлiся тэхнiчнымi навiнкамi, i фотаздымкi з экспазiцыi — яскравае таму сведчанне. Вось, напрыклад, «Мерседэс» з аўтапарка Радзiвiлаў. Фота датуецца пачаткам ХХ стагоддзя. На той час Радзiвiлы былi аднымi з першых i найбуйнейшых аўтаўладальнiкаў на тэрыторыi Мiнскай губернi, яны мелi аж тры аўтамабiлi! А першыя фотаздымкi палаца былi зроблены ў 1894 годзе, i асобныя залы, пакоi рэгулярна фатаграфавалiся да 1939 года. Яшчэ адно сведчанне тэхнiчнай «прасунутасцi» Радзiвiлаў: першы фотаздымак Нясвiжскага палаца i горада з аэраплана быў зроблены яшчэ ў 1927 годзе.

Адметна, што вiртуальная экскурсiя «Нясвiжскi замак у часе i гiсторыi», якую прапануе музей-запаведнiк, — гэта не толькi фотаздымкi. Гэта яшчэ i слайд-шоу, i выдатны, захапляльны аповед ад супрацоўнiкаў музея. Больш за тое, выязная каманда Нясвiжскага палаца гатова адгукнуцца на запрашэнне зацiкаўленых гледачоў i слухачоў i прадставiць выстаўку фактычна ў любой кропцы Беларусi. Ёсць вялiкая верагоднасць, што знаёмства з мiнi-экспазiцыяй выклiча вялiкую цiкавасць, падштурхне здзейснiць сапраўдную вандроўку ў Нясвiж.

Марына ВЕСЯЛУХА

vesialuha@zviazda.by

Загаловак у газеце: Радзiвiлаўскi аўтамабiль

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.