Пачалася вакцынацыя супраць гемафiльнай iнфекцыi

Iрына Глiнская ўдакладнiла, што такiя прышчэпкi атрымаюць дзецi ва ўзросце ад 3 месяцаў да 5 гадоў, якiя адносяцца да груп рызыкi: часта i працягла хварэюць, з хранiчнымi запаленчымi захворваннямi лёгкiх, з бранхiяльнай астмай, ВIЧ-iнфiцыраваныя i дзецi, якiя пастаянна знаходзяцца ў закрытых установах (дамы дзiцяцi i iнш.).

Гемафiльная, або ХIБ-iнфекцыя — гэта захворваннi (пнеўманiя, ВРЗ, бранхiт, менiнгiт i iншыя), якiя выклiкае гемафiльная палачка. Носьбiтамi бактэрыi з’яўляюцца каля 40 працэнтаў дзяцей ва ўзросце да 5 гадоў. Гемафiльная iнфекцыя перадаецца ад дзяцей-носьбiтаў паветрана-кропельным шляхам i са слiнай, у тым лiку праз цацкi i прадметы ўжытку. З-за ўзроставых асаблiвасцяў iмуннай сiстэмы ў дзяцей да 6 гадоў iмунiтэт да ХIБ не фармiруецца самастойна, i таму яны пераносяць iнфекцыю шматразова, звычайна ў форме частых ВРЗ. Лячэнне ўскладнена тым, што ўстойлiвасць гемафiльнай палачкi нават да такiх антыбiётыкаў, як эрытрамiцын i тэтрацыклiн, дасягае 80 працэнтаў. Адзiным спосабам надзейнай аховы ад ХIБ-iнфекцыi з’яўляецца прышчэпка.

Хворых менш не становіцца

Дызентэрыя, трыхiнелёз, клешчавы энцэфалiт i хвароба Лайма — менавiта гэтыя iнфекцыi сапсавалi агульную карцiну з iнфекцыйнай захворваемасцю ў Беларусi ў I паўгоддзi гэтага года.

Так, за кошт двух сямейна-групавых успышак, што адбылiся ў Мiнску i ў Вiцебскай вобласцi, паказчыкi захворваемасцi насельнiцтва на трыхiнелёз выраслi ў 1,8 раза ў параўнаннi з адпаведным перыядам мiнулага года. Iнфiцыраванне клешчавым энцэфалiтам праз свойскае малако стала прычынай успышкi гэтага захворвання ў Гродзенскай вобласцi, адпаведна захворваемасць на клешчавы энцэфалiт вырасла краiне па адразу ўтрая. А распаўсюджванне iнфiцыраваных кляшчоў павялiчыла колькасць падхапiўшых хваробу Лайма беларусаў у 1,7 раза.

Даволi стабiльную сiтуацыю з групавой кiшэчнай захворваемасцю сапсавала ўспышка дызентэрыi Зонэ сярод навучэнцаў сярэдняй школы № 1 горада Талачына, якая адбылася напрыканцы навучальнага года. У вынiку агульная захворваемасць на дызентэрыю Зонэ вырасла па краiне ў 3,6 раза.

Затое эпiзаатычная абстаноўка па шаленству, наадварот, стабiлiзавалася. Колькасць зарэгiстраваных выпадкаў шаленства сярод жывёлiн зменшылася ў параўнаннi з аналагiчным перыядам мiнулага года амаль удвая. Напружанай сiтуацыя застаецца толькi ў Брэсцкай вобласцi, дзе назiраўся рост колькасцi хворых на шаленства жывёлiн у 1,9 раза. Станоўчая тэндэнцыя захавалася i ў лiпенi: за гэты месяц у Беларусi быў зарэгiстраваны 51 выпадак захворвання на шаленства сярод жывёлiн. Для параўнання, у лiпенi 2006 года ад шаленства пацярпелi 120 жывёлiн. А ўсяго за 7 месяцаў гэтага года ў статыстыку па шаленству трапiлi 527 жывёлiн (за сем месяцаў папярэдняга года — 1035).

Ва ўрачоў — новы «арсенал» для лячэння пацыентаў

Мiнiстэрствам аховы здароўя зацверджаны новы пералiк асноўных лекавых сродкаў. У параўнаннi з папярэднiм пералiкам, якi дзейнiчаў з 2005 года, новы дакумент пашырыўся на 69 пазiцый (у тым лiку на 42 пазiцыi па айчынных лекавых сродках) i ўключае каля 480 мiжнародных непатэнтаваных найменняў лекавых сродкаў (195 з iх вырабляюцца цi фасуюцца ў Беларусi).

Увядзенне новага Пералiку асноўных лекавых сродкаў прадастаўляе магчымасць урачам прызначаць пацыентам высокаэфектыўныя прэпараты, якiя дазваляюць дабiцца кантролю над шэрагам найбольш распаўсюджаных захворванняў, — тлумачаць у Мiнiстэрстве аховы здароўя. Усе яны ўключаны ў клiнiчныя пратаколы дыягностыкi i лячэння хворых, зацверджаныя мiнiстэрствам.

Для прыкладу, у новы пералiк увайшлi лекавыя сродкi, прызначаныя для лячэння глаўкомы, захворванняў касцей, для ўстаранення галавакружэння, мачагонныя, антыбактэрыяльныя, процiгрыбковыя, сардэчна-сасудзiстыя сродкi, процiпухлiнныя, антыгiпертэнзiўныя, цукрапанiжальныя i г.д. прэпараты. Пры рэцэптурным забеспячэннi пацыентаў медыцынскiя работнiкi таксама кiруюцца Пералiкам асноўных лекавых сродкаў.

Надзея НIКАЛАЕВА.

603 выпадкi ВIЧ-iнфекцыi

За студзень—лiпень гэтага года ў Беларусi выяўлена 603 выпадкi ВIЧ-iнфекцыi (за аналагiчны перыяд 2006 года — 433). Аб гэтым паведамiлi ў аддзеле прафiлактыкi ВIЧ/СНIД Рэспублiканскага цэнтра гiгiены, эпiдэмiялогii i грамадскага здароўя (РЦГЭiГЗ).

На 1 жнiўня гэтага года агульная колькасць зарэгiстраваных у рэспублiцы выпадкаў ВIЧ-iнфекцыi склала 8 тыс. 350 (паказчык на 100 тыс. насельнiцтва склаў 86,3).

На першым месцы па колькасцi зарэгiстраваных ВIЧ-iнфiцыраваных знаходзiцца Гомельская вобласць — 4493 выпадкi, паказчык iнфiцыраванасцi — 305,9 на 100 тыс. насельнiцтва. На другiм месцы — Мiнская вобласць (1007 выпадкаў, паказчык 68,2 на 100 тыс. насельнiцтва). На трэцiм — горад Мiнск (1177 выпадкаў, паказчык 65,8 на 100 тыс. насельнiцтва).

Як адзначылi ў аддзеле прафiлактыкi ВIЧ/СНIД цэнтра, пераважная колькасць ВIЧ-iнфiцыраваных гэта маладыя людзi ва ўзросце ад 15 да 29 гадоў.

Асноўны шлях перадачы iнфекцыi — iн’екцыйнае ўвядзенне наркатычных рэчываў (61,4%). Павялiчваецца колькасць грамадзян, iнфiцыраванне якiх адбылося ў вынiку сексуальных кантактаў (2005 — 57,2%, 2006 — 63,4%). За сем месяцаў гэтага года палавым шляхам iнфiцыравалася 63,6%.

У цэлым па рэспублiцы ўдзельная вага жанчын з агульнай колькасцi ВIЧ-iнфiцыраваных складае 34,5%, мужчын — 65,5%. Ад ВIЧ/iнфiцыраваных мацi за 7 месяцаў гэтага года нарадзiлася 82 дзiцяцi. Кумулятыўная колькасць выпадкаў СНIДу на 1 жнiўня склала 783, з iх за сем месяцаў гэтага года быў упершыню ўстаноўлены дыягназ 180 пацыентам.

У рэспублiцы зарэгiстравана 1105 лятальных выпадкаў сярод ВIЧ-iнфiцыраваных, 809 (73,2%) з лiку памерлых — наркаспажыўцы.

Кар. БЕЛТА.