Калi б сын быў уласнiкам дома...

ПЫТАЛЬНIК

Нiна Паўлаўна ГАЛУЗА,

в. Канюхi Капыльскага раёна.

Сёлета пастановай № 4 мiнiстэрства па падатках i зборах ад 14 студзеня 2004 года быў зацверджаны дакумент «Аб унясеннi змяненняў i дапаўненняў у Iнструкцыю аб парадку налiчэння i ўплаты падатку на нерухомасць фiзiчнымi асобамi». Згодна з адным з яго пунктаў, што датычыць будынкаў i збудаванняў, за выключэннем прызначаных i (цi) выкарыстоўваемых ва ўстаноўленым парадку для ажыццяўлення прадпрымальнiцкай дзейнасцi, якiя размешчаны ў сельскай мясцовасцi i належаць на правах уласнасцi фiзiчным асобам, што пастаянна пражываюць у сельскай мясцовасцi i працуюць у арганiзацыях, размешчаных у сельскай мясцовасцi, якiя ажыццяўляюць сельскагаспадарчую вытворчасць, згаданая заяўнiцай iльгота iснуе.

На першы погляд, гэтая сiтуацыя цалкам датычыць сына нашай чытачкi: i ў сельскай мясцовасцi пражывае, i ў калгасе, як яна пiша, працуе. Дык чаму няма льготы? Звярнiце ўвагу на прыведзеныя вышэй словы «належаць на правах уласнасцi» i далей па тэксту. Iншымi словамi (калi наша заяўнiца нiчога не наблытала i падала сiтуацыю такой, якая яна ёсць аб’ектыўна), сын чытачкi быў бы вызвалены ад уплаты падатку, калi б з’яўляўся ўласнiкам дома, бо ўсе iншыя патрабаваннi пры прадастаўленнi такой iльготы ў нашым выпадку выконваюцца. Але, як можна зразумець з лiста, уласнiкам дома лiчыцца якраз мацi. Як пенсiянерка яна б магла таксама разлiчваць на льготу па ўплаце падатку на нерухомасць — каб жыла адна. Але з ёй прапiсаны i сумесна пражывае працаздольны член сям’i, адпаведна, такое права жанчына страчвае.

Дарэчы, аналагiчныя пытаннi раней нам ужо задавалi, пыталiся, што можна зрабiць у такой сiтуацыi. Канешне, тэарэтычна дом можна перааформiць на сына, але гэта таксама каштуе грошай i патрабуе часу, ды i, не выключана, у заканадаўстве могуць адбыцца пэўныя змяненнi, так што цi будзе карысць для сям’i ад такога кроку — яшчэ пытанне.