Прэзiдэнт Беларусi даручыў Васiлю Далгалёву актывiзаваць намаганнi па далейшаму павелiчэнню беларуска-расiйскага тавараабароту
Саюз Беларусi i Расii з’яўляецца самай дзейснай iнтэграцыйнай структурай на тэрыторыi СНД, аб чым сведчыць высокi ўзаемны тавараабарот памiж дзвюма дзяржавамi. Аб гэтым iшла размова 10 жнiўня ў ходзе рабочай сустрэчы кiраўнiка дзяржавы Аляксандра Лукашэнкi з Паўнамоцным прадстаўнiком Прэзiдэнта Рэспублiкi Беларусь — намеснiкам прэм’ер-мiнiстра Васiлём Далгалёвым.Васiль Далгалёў далажыў аб рабоце беларускiх прадстаўнiкоў у iнтэграцыйных органах, аб некаторых пытаннях будаўнiцтва Cаюзнай дзяржавы. Пры гэтым было падкрэслена, што хоць пытаннi ўвядзення адзiнай валюты i прыняцця Канстытуцыйнага акта цяпер знаходзяцца на стадыi абмеркавання, гэта зусiм не значыць, што саюзнае будаўнiцтва прыпынена. У ходзе даклада былi таксама абмеркаваны шляхi вырашэння некаторых праблем у рабоце саюзнага Саўмiна ва ўмовах адсутнасцi Канстытуцыйнага акта Саюзнай дзяржавы, бо некаторыя беларускiя i расiйскiя мiнiстры спасылаюцца на гэта, тлумачачы немагчымасць вырашэння асобных пытанняў унiфiкацыi заканадаўства дзвюх краiн. Васiль Далгалёў далажыў аб падрыхтоўцы да чарговага пасяджэння Савета Мiнiстраў Саюзнай дзяржавы, якое запланавана на верасень-кастрычнiк. Прэзiдэнт даручыў актывiзаваць намаганнi па далейшаму павелiчэнню беларуска-расiйскага тавараабароту. Прэс-служба Прэзiдэнта Рэспублiкi Беларусь.
| 
08/08/2007
