Пешаходы сталi ахвярамi п’янага вадзiцеля

Дарожна-транспартнае здарэнне адбылося ў Брэсце 8 жнiўня ў тры гадзiны ночы. Паводле iнфармацыi прэс-службы УУС Брэсцкага аблвыканкама, 22-гадовы непрацуючы брастаўчанiн, якi ў стане алкагольнага ап’янення руляваў машынай «Датсун-Станза», што належала яго бацьку, на вулiцы 17 Верасня не справiўся з кiраваннем, i аўто выехала на тратуар.

Чацвёра пешаходаў, 35-гадовы муж i 31-гадовая жонка, невядомы мужчына i жанчына 1977 года нараджэння, што вярталiся з вяселля, на бяду трапiлi пад колы аўтамабiля. У вынiку здарэння жонка пешахода загiнула, а трое iншых пацярпеўшых былi дастаўлены ў бальнiцу.