Раўнiвец пастраляў з пiсталета людзей...
Iгар ГРЫШЫН
У мiнулую пятнiцу ў Гомелi 36-гадовы непрацуючы жыхар лiтаральна ўчынiў паляванне за сваёй былой 30-гадовай сяброўкай i 32-гадовым мужчынам. Вынiкi гэтага жудаснага здарэння трагiчныя...Першай ахвярай злачынцы, якi, паводле папярэдняй iнфармацыi, дзейнiчаў на глебе рэўнасцi, стала жанчына. Каля паловы восьмай вечара на вулiцы з пiсталета ён паранiў у жывот былую сяброўку. Праз дзесяць мiнут узброены мужчына ў пад’ездзе дома трыма стрэламi смяротна паранiў у галаву i грудзi непрацуючага мужчыну. Тут жа ён зрабiў i апошнi стрэл, пацэлiўшы сабе ў галаву. На месцы здарэння мiлiцыяй канфiскаваны газавы пiсталет, прыстасаваны для стральбы патронамi калiбру 9 мм, i яшчэ 17 патронаў. Параненая жанчына змешчана ў бальнiцу.
|
08/08/2007
