Рост заработнай платы павiнен быць супастаўны з ростам прадукцыйнасцi працы

Ён адзначыў, што па вынiках 2006 года рэальная заработная плата ўзрасла больш як на 17 працэнтаў пры прагнозе 8—9 працэнтаў. Сярэднi ўзровень зарплаты ў цэлым па народнай гаспадарцы ў снежнi склаў $311,8 у эквiваленце пры запланаваных $300. У бюджэтнай сферы гэты паказчык дасягнуў $287 (прагноз — $265). Паводле слоў намеснiка мiнiстра, у гэтым годзе «такая задача рэзкага прыросту заработнай платы не стаiць». «Нам цяпер вельмi важна, асаблiва ў iснуючых умовах, калi цэны на энергарэсурсы значна павысiлiся, захаваць асноўныя макраэканамiчныя прапорцыi памiж ростам прадукцыйнасцi працы i ростам рэальнай заработнай платы».