Указ Прэзiдэнта Рэспублiкi Беларусь № 382

У адпаведнасцi з артыкулам 8 Закона Рэспублiкi Беларусь ад 5 мая 1998 года «Аб адмiнiстрацыйна-тэрытарыяльным дзяленнi i парадку вырашэння пытанняў адмiнiстрацыйна-тэрытарыяльнай будовы Рэспублiкi Беларусь» паста-наўляю:

1. Перадаць:

1.1. вёскi Арэхава, Паўлавiчы, Янопаль i частку вёскi Бiцялёва Вiцебскага раёна ў адмiнiстрацыйнае падпарадкаванне вiцебскiх гарадскiх Савета дэпутатаў i выканаўчага камiтэта;

1.2. вёскi Бяленiца, Зялёнка i Лепель Лепельскага раёна ў адмiнiстрацыйнае падпарадкаванне лепельскiх гарадскiх Савета дэпутатаў i выканаўчага камiтэта;

2. Змянiць межы:

2.1. горада Вiцебска i Вiцебскага раёна, уключыўшы ў гарадскую мяжу горада Вiцебска размешчаныя ў Вiцебскiм раёне зямельныя ўчасткi мясцовых выканаўчых i распарадчых органаў, iншых юрыдычных асоб i грамадзян агульнай плошчай 602,7658 гектара згодна з дадаткамi 1 i 2, землi агульнага карыстання сельскiх населеных пунктаў плошчай 69,313 гектара, а таксама землi запасу плошчай 1,67 гектара;

2.2. горада Лепеля i Лепельскага раёна, уключыўшы ў гарадскую мяжу горада Лепеля размешчаныя ў Лепельскiм раёне зямельныя ўчасткi мясцовых выканаўчых i распарадчых органаў, iншых юрыдычных асоб, iндывiдуальных прадпрымальнiкаў i грамадзян агульнай плошчай 688,4771 гектара згодна з дадаткамi 3 i 4, землi агульнага карыстання сельскiх населеных пунктаў плошчай 31,59 гектара, а таксама землi запасу плошчай 22,1578 гектара.

3. Вiцебскiм гарвыканкаму i райвыканкаму, Лепельскаму гарвыканкаму, Камiтэту па зямельных рэсурсах, геадэзii i картаграфii пры Савеце Мiнiстраў Рэспублiкi Беларусь прыняць меры па рэалiзацыi гэтага Указа.

4. Кантроль за выкананнем гэтага Указа ўскласцi на Савет Мiнiстраў Рэспублiкi Беларусь.

5. Гэты Указ уступае ў сiлу з дня яго афiцыйнага апублiкавання.

Прэзiдэнт Рэспублiкi Беларусь А. Лукашэнка.

6 жнiўня 2004 г., г.Мiнск.