Гранты Прэзідэнта Беларусі на 2017 год назначаны 93 кіраўнікам і спецыялістам арганізацый навукі, адукацыі, аховы здароўя і культуры. Адпаведнае распараджэнне падпісаў кіраўнік дзяржавы Аляксандр Лукашэнка, паведамілі ў прэс-службе беларускага лідара.
Выдзеленыя гранты прадугледжаны на правядзенне навуковых даследаванняў у галіне біялогіі, хіміі, машынабудавання, медыцыны, сельскай гаспадаркі, эканомікі, права і гісторыі; павышэнне якасці навучання вучняў і студэнтаў за кошт выкарыстання новых тэхналогій і сучаснага вучэбнага метадычнага забеспячэння.
Гранты таксама выдзелены на распрацоўкі па рэпрадуктыўнай медыцыне, отарыналарынгалогіі, кардыялогіі, медыцынскіх біятэхналогіях, анкалогіі, хірургіі і рэанімацыі, псіхіятрыі, сучаснай дыягностыцы; стварэнне новых твораў мастацтва і правядзенне мерапрыемстваў, што садзейнічаюць захаванню нацыянальных духоўных традыцый.
Прыняцце распараджэння накіравана на падтрымку таленавітых спецыялістаў, стварэнне спрыяльных умоў для развіцця аховы здароўя, навуковага, адукацыйнага і культурнага патэнцыялу Беларусі.
БЕЛТА [1]
Спасылкі
[1] http://www.belta.by/
[2] https://zviazda.by/be/tags/granty-prezidenta-belarusi
[3] https://zviazda.by/be/tags/aliaksandr-luka%C5%A1enka
[4] https://zviazda.by/be/tags/grant