На возеры Шчыбат работнікі Лепельскай міжрайінспекцыі затрымалі двух жыхароў вёскі Чарэйшчына, якія незаконна — з перавышэннем вызначанай нормы ў памеры двух кілаграмаў у суткі на чалавека — здабылі 293 асобіны рака агульнай вагой 13,4 кілаграма.
— Парушальнікі лавілі ракаў рукамі з выкарыстаннем гідракасцюма, пояса для апускання, ластаў і маскі. Нанесеная шкода прыродзе, якую трэба будзе кампенсаваць парушальнікам, склала 9,2 тысячы рублёў. Вырашаецца і пытанне крымінальнай адказнасці, — расказала прэс-сакратар Дзяржінспекцыі Вольга Грамовіч.
У той жа дзень работнікі Гомельскай міжрайінспекцыі на возеры Стаячым у Чачэрскім раёне затрымалі гамяльчаніна, які вылавіў 422 асобіны вузкапалага рака вагой амаль 20 кілаграмаў. Мужчына ў дзесяць разоў перавысіў норму здабычы і выкарыстоўваў дзесяць ракаловак замест дапушчальных трох. Цана парушэння — 13,3 тысячы рублёў, а таксама цяжар крымінальнай адказнасці. Магчыма таксама канфіскацыя аўтамабіля парушальніка.
Сяргей РАСОЛЬКА
Спасылкі
[1] https://zviazda.by/be/tags/syargey-rasolka
[2] https://zviazda.by/be/gramadstva
[3] https://zviazda.by/be/zdarenni
[4] https://zviazda.by/be/tags/brakanery
[5] https://zviazda.by/be/tags/lepelskaya-mizhrayinspekcyya
[6] https://zviazda.by/be/tags/volga-gramovich-0