Зламыснікі ўкралі 250 тысяч еўра наяўнымі, а таксама адабралі аўтамабіль, паведаміў інфармацыйны тэлеканал BFM-TV. Аб якім менавіта прадстаўніку саудаўскай каралеўскай сям'і ідзе гаворка, у паліцыі не ўдакладняюць.
Напад на аўтамабіль, які належыць Пасольству Саудаўскай Аравіі, здзейснілі некалькі чалавек, узброеных аўтаматамі. Акрамя грошай, у іх рукі патрапілі дакументы дыпламатычнай місіі і асабістыя рэчы прынца, перадае ІТАР-ТАСС. У паліцыі адзначылі, што зброя пры налёце не ўжывалася, пацярпелых няма. Злачынцам удалося схавацца. Вядзецца расследаванне.
Паўночная ўскраіна Парыжа, дзе пралягае гэтая магістраль, якая злучае сталіцу з аэрапортамі Руасі — Шарль дэ Голь і Ле-Буржэ, не першы раз згадваецца ў сувязі з гучным рабаваннем. Так, у лютым 2010 года паведамлялася аб нападзе на дачку тагачаснага мэра Кіева Леаніда Чарнавецкага — Крысціну. СМІ пісалі, што рабаўнік, які напаў на лімузін дзяўчыны, выхапіў у яе сумку, у якой знаходзіліся каштоўнасці на суму больш за 4,5 млн еўра.
Спасылкі
[1] https://zviazda.by/be/u-svece
[2] https://zviazda.by/be/naviny-u-svece
[3] https://zviazda.by/be/tags/paryzh
[4] https://zviazda.by/be/tags/kradzezh
[5] https://zviazda.by/be/tags/saudauski-prync