Гэтымі днямі ў старадаўнім мястэчку Будслаў адбываецца традыцыйны рэлігійны фэст. Ужо больш за 400 гадоў у мясцовым касцёле знаходзіцца вядомы цудатворны абраз Маці Божай, да якога штогод рушаць караваны пілігрымаў. Дэвіз гэтага года — «Марыя — узор малітвы». Акрамя таго, адметнасцю сёлетняй урачыстасці стала прыбыццё крыжа Сусветнага дня моладзі, які разам з паломнікамі вандраваў па дарогах Беларусі.
Для католікаў удзел у пілігрымках — гэта сапраўды важная справа. У Будслаў вернікі ідуць з усёй краіны. Так, пілігрымы з Мінска адправіліся ў шлях 30 чэрвеня ад Архікафедральнага касцёла Імя Найсвяцейшай Дзевы Марыі. Увогуле са сталіцы рушыла амаль 200 паломнікаў. Яны пераадолелі каля 150 кіламетраў, каб прысвяціць час духоўным практыкам і ў чарговы раз укленчыць перад цудатворным абразом. На тыдзень паломнікі зрабіліся адным цэлым. Супольныя малітвы, ідэі і, безумоўна, шчырая і адданая вера… Менавіта гэта дапамагло людзям рознага ўзросту пераадолець дзясяткі кіламетраў пешшу і ў чарговы раз упэўніцца ў тым, што налета Будслаў зноў стане іх мэтай.
Надзея Бужан, фота аўтара.
Спасылкі
[1] https://zviazda.by/be/tags/nadzeya-buzhan
[2] https://zviazda.by/be/gramadstva
[3] https://zviazda.by/be/gramadstva-0
[4] http://zviazda.by/wp-content/uploads/2014/07/5-10.jpg
[5] http://zviazda.by/wp-content/uploads/2014/07/5-8.jpg
[6] http://zviazda.by/wp-content/uploads/2014/07/5-9.jpg
[7] https://zviazda.by/be/tags/budslau
[8] https://zviazda.by/be/tags/palomniki
[9] https://zviazda.by/be/tags/religiya
[10] https://zviazda.by/be/tags/religiyny-fest