Мабільны аператар МТС пачаў укараняць унікальную для Беларусі паслугу — інфармаванне пра фактычны час прыбыцця грамадскага транспарту. Пакуль паслуга даступная толькі жыхарам Віцебска.
Скарыстацца ёй змогуць як уладальнікі сучасных смартфонаў, так і карыстальнікі простых мадэляў тэлефонаў. Час прыбыцця транспарту разлічваецца на падставе рэальнага руху аўтобусаў з улікам затораў на дарогах, аварый, спазненняў у час пік і г. д., а не статычнага раскладу, указанага на прыпынках ці інтэрнэт-сайтах. Віцебскія аўтобусы аснашчаны сістэмай GPS — прыёмнікамі спадарожнікавай навігацыі, а таксама SІM-картамі МТС. Сістэма вызначае месцазнаходжанне машын, а атрыманыя даныя адпраўляе па мабільным інтэрнэце ў дыспетчарскія пункты. На падставе гэтай інфармацыі і фактычнай адлегласці да прыпынку сэрвіс разлічвае рэальны час. Кошт аднаго SMS-запыту складае 180 рублёў.
Надзея НІКАЛАЕВА.
Спасылкі
[1] https://zviazda.by/be/tags/nadzeya-nikalaeva
[2] https://zviazda.by/be/bez-rubriki
[3] https://zviazda.by/be/naviny-u-belarusi
[4] https://zviazda.by/be/gazeta
[5] https://zviazda.by/be/infarmbyuro
[6] https://zviazda.by/be/tags/vicebsk
[7] https://zviazda.by/be/tags/novaya-pasluga
[8] https://zviazda.by/be/tags/raspisanne-gramadskaga-transpartu
[9] https://zviazda.by/be/tags/mabilny-aperatar-mts