Буйнейшы банк Беларусі сумесна з Беларускай чыгункай днямі арганізавалі продаж квіткоў на рэгіянальныя цягнікі эканом-класа праз сістэму інфакіёскаў і на чыгуначным вакзале Магілёва, паведамілі рэдакцыі ў прэс-службе Беларусбанка.
Цяпер працэдура куплі білета ў інфакіёску займае не больш за хвіліну, а атрыманы чэк з'яўляецца праязным білетам (білетам на багаж). Набыць яго могуць трымальнікі банкаўскіх картак плацежных сістэм Vіsa, MasterCard і БелКарт.
Беларусбанк у якасці банка-эквайера ўжо каля 3 гадоў супрацоўнічае з Беларускай чыгункай у рамках праекта па ўсталяванні плацежна-даведачных тэрміналаў (інфакіёскаў), прызначаных для продажу квіткоў на электрацягнікі. Сёння, акрамя Магілёва, такія інфакіёскі таксама ўсталяваны на мінскім і віцебскім чыгуначных вакзалах.
Сяргей КУРКАЧ.
Спасылкі
[1] https://zviazda.by/be/tags/syargey-kurkach
[2] https://zviazda.by/be/bez-rubriki
[3] https://zviazda.by/be/gazeta
[4] https://zviazda.by/be/infarmbyuro
[5] https://zviazda.by/be/naviny-u-belarusi
[6] https://zviazda.by/be/tags/belarusbank-1
[7] https://zviazda.by/be/tags/belaruskaya-chygunka-0
[8] https://zviazda.by/be/tags/sistema-infakiyoskau