Сёлета ў Рэспубліцы Беларусь адзначылі 85-годдзе ганаровага старшыні Саюза пісьменнікаў Беларусі Мікалая ЧАРГІНЦА. Вядомы пісьменнік, аўтар болей як паўсотні раманаў, за свае творчыя здзяйсненні, грамадска-палітычную працу адзначаны званнем народнага пісьменніка Беларусі. А літаральна днямі ў сталіцы Беларусі прынята рашэнне аб наданні СШ N 76 імя Мікалая Чаргінца.
Пісьменнік нарадзіўся 17 кастрычніка 1938 года. Займаўся футболам. Служыў у праваахоўных органах. Генерал-лейтэнант. Многія гады аддаў палітычнай дзейнасці, узначальваў адну з камісій у Савеце Рэспублікі Нацыянальнага сходу Рэспублікі Беларусь. Прадстаўляў нашу краіну ў розных міжнародных арганізацыях.
У апошнія гады Мікалай Чаргінец выдаў раманы «А ён не вярнуўся з боя», «Маёр Ветраў», «Аперацыя «Кроў». У Выдавецкім доме «Звязда» пабачыў свет двухтомнік мемуараў вядомага літаратара, дзе ён расказвае пра сябе і час, пра калег па службе ў міліцыі, сваіх паплечнікаў па спартыўнай кар’еры. Адна з кінематаграфічных кампаній працуе над падрыхтоўкай кінафільма па раману М. Чаргінца «Аперацыя «Кроў», прысвечанаму драматычным падзеям Вялікай Айчыннай вайны.
Кастусь ЛЕШНІЦА
Спасылкі
[1] https://zviazda.by/be/author/kastus-leshnica
[2] https://zviazda.by/be/kultura
[3] https://zviazda.by/be/tags/narodny-pismennik-belarusi
[4] https://zviazda.by/be/tags/mikalay-charginec
[5] https://zviazda.by/be/tags/aperacyya-krou
[6] https://zviazda.by/be/tags/mayor-vetrau
[7] https://zviazda.by/be/tags/vydavecki-dom-zvyazda-2
[8] https://zviazda.by/be/tags/minsk
[9] https://zviazda.by/be/tags/savet-respubliki-nacyyanalnaga-shodu-respubliki-belarus