Генеральная пракуратура ў чарговы раз [1] заклікае грамадзян абачліва ставіцца да інфармацыі, якая размяшчаецца ў інтэрнэце.
«У апошні час на розных рэсурсах сеткі Інтэрнэт, у тым ліку Telegram-каналах, распаўсюджваюцца ананімныя заклікі да ўдзелу 3 жніўня 2020 года „пробнай агульнанацыянальнай забастоўцы“ працягласцю 2,5 гадзіны для выражэння патрабаванняў аб вызваленні так званых палітычных зняволеных, а таксама забеспячэнні справядлівасці выбарчага працэсу». Каб пазбегнуць канфліктаў з органамі правапарадку, наймальнікамі, а таксама магчымых судовых разглядаў Генеральная пракуратура заклікае не прытрымлівацца падобным рэкамендацыям, гаворыцца ў паведамленні [2] Генпракуратуры.
Ведамства адзначае, што на падставе артыкулаў 11 і 388 Працоўнага кодэкса (ПК) работнiкi маюць права на страйк — часовую добраахвотную адмову ад выканання працоўных абавязкаў у мэтах вырашэння калектыўнай працоўнай спрэчкі, абароны сваіх эканамічных і сацыяльных правоў. Удзел у санкцыянаваным страйку не прызнаецца прагулам без паважнай прычыны.
«Аднак рашэнне аб правядзенні забастоўкі павінна быць прынята з вытрымліваннем устаноўленай ПК працэдуры на сходзе ці канферэнцыі работнікаў прадпрыемства (арганізацыі). Пра намер страйку прадстаўнічы орган работнікаў абавязаны паведаміць наймальніку ў пісьмовай форме не пазней як за два тыдні да яе пачатку», — падкрэсліваецца ў паведамленні.
Невыкананне названага парадку з’яўляецца падставай для прызнання судом страйку незаконным па заяве наймальніка (уласніка або ўпаўнаважанага iм органа) або пракурора, адзначае Генпракуратура, а ўдзельнікі такой забастоўкі па заканадаўстве «могуць быць прыцягнутыя да дысцыплінарнай і іншай адказнасці».
«Не мае нічога агульнага з легальным страйкавы рух, заклікі да ўдзелу ў несанкцыянаваных масавых мерапрыемствах з’яўляюцца падбухторваннем да проціпраўных дзеянняў, за якія наступае адміністрацыйная або крымінальная адказнасць», — заяўляе Генпракуратура.
Ведамства заклікае грамадзян «узважана і канструктыўна падыходзіць да рэалізацыі права на свабоднае выказванне меркавання, не паддавацца безадказным заклікам і ананімным правакацыям да здзяйснення супрацьпраўных дзеянняў, а таксама учынкаў, здольных нанесці шкоду працоўным правам і інтарэсам грамадзян».
Прэв’ю: prokuratura.gov.by
Спасылкі
[1] http://zviazda.by/be/news/20200626/1593182899-genprakuratura-zaklikae-gramadzyan-abdumana-i-uzvazhana-stavicca-da
[2] http://prokuratura.gov.by/ru/info/novosti/nadzor-za-ispolneniem-zakonodatelstva/v-inykh-sferakh/o-nedopustimosti-protivopravnykh-deystviy/
[3] https://zviazda.by/be/tags/generalnaya-prakuratura
[4] https://zviazda.by/be/tags/zaklik
[5] https://zviazda.by/be/tags/zabastouka