Навінка ад «Звязды!»
Прыемная навіна для аматараў чытання! У Выдавецкім доме «Звязда» пабачыла свет кніга Уладзіміра Бабкова «Янот - пілот».
Героі кнігі Уладзіміра Бабкова – непаседлівыя і вынаходлівыя хлопчыкі і дзяўчынкі. Нехта з іх бачыў НЛА, а нехта – сон на дваіх, хтосці хочазрабіць ЭВМ, а хтосці пашыць сукенку для любімай лялькі. Не адстаюць ад іх і звяры ў казках: то адкрываюць у бары музычную школу, то дружна выходзяць на лыжны крос.
Пра ўсё гэта аўтар піша весела і займальна. Тым, хто пачне чытаць кнігу «Янот – пілот», сумна не будзе.
Жадаем прыемнага чытання!