ААТ «Белкніга» анансавала адкрыццё новай крамы. Кнігарня, якая 23 красавіка адчыніць свае дзверы ў Калінкавічах на вуліцы Кастрычніцкай, 45а/2, стане 12-й крамай кнігагандлёвай сеткі на Гомельшчыне і 89-й — у краіне.
«Нават у такія няпростыя часы наша кампанія працягвае работу па папулярызацыі беларускай кнігі і чытання ў цэлым, стараецца зрабіць кнігу дасяжнай ва ўсіх кутках нашай краіны», — зазначае адміністрацыя «Белкнігі» ў звароце да пакупнікоў. Дарэчы, у дзень адкрыцця ім усім прапануюць 10-працэнтную зніжку не толькі на кнігі беларускіх і расійскіх выдаўцоў, але і на канцылярскія тавары, папяровую прадукцыю і іншы асартымент.
Вікторыя ЗАХАРАВА
Фота belknіga.by
Спасылкі
[1] https://zviazda.by/be/author/viktoryya-zaharava
[2] https://zviazda.by/be/ekanomika
[3] https://zviazda.by/be/gandal
[4] https://zviazda.by/be/tags/aat-belkniga
[5] https://zviazda.by/be/tags/kalinkavichy