Пабачыла свет чацвёртая кнiга — казкi, якiя выдаўцы раяць прачытаць у красавiку.
Адкрываецца зборнiк беларускай народнай казкай «Пiлiпка-сынок» у апрацоўцы Алеся Якiмовiча. Наступнае знаёмства — казка Паўла Мiсько «Сарока i дзяцел». Казачны каляндар за 3 красавiка адзначаны рускай народнай казкай «Мядзведзь i тры сястры» ў апрацоўцы Аляксея Талстога. Затым — беларуская народная казка «Як курачка пеўнiка ратавала» ў апрацоўцы Алеся Якiмовiча.
Народныя казкi дапаўняюць у красавiцкiм выпуску празаiчныя i паэтычныя творы Змiтрака Бядулi, Алеся Якiмовiча, Яраслава Пархуты, Максiма Танка, Авяр'яна Дзеружынскага, братоў Грым, Карнея Чукоўскага, Уладзiмiра Караткевiча, Дзмiтрыя Мамiна-Сiбiрака, Льва Талстога, Раiсы Баравiковай, Пятра Рунца.
I канешне ж, сваю выхаваўчую, адукацыйную справу робяць iлюстрацыi, якiмi выдаўцы ўпрыгожылi чацвёрты том. «Казачка пра Казявачку» Дзмітрыя Мамiна-Сiбiрака пададзена з iлюстрацыямi Анатоля Тычыны (1897—1986), якiя былi выкананы ў 1959 годзе. «Лiсiцу-хiтрыцу» дапаўняюць цiкавыя графiчныя работы Юрыя Алiсевiча (выкананы ў 1996 годзе). А Вячаслаў Валынец сваiмi малюнкамi «каментуе» казку «Хлопчык-з-пазногцiк» братоў Грым (iлюстрацыi зроблены ў 1992 годзе).
Застаецца нагадаць, што ўкладальнiкам кнiгi выступае Алесь Бадак, а дызайнерам кнiгi з'яўляецца Настасся Капульцэвiч.
Мiкола Берлеж
Спасылкі
[1] https://zviazda.by/be/author/mikola-berlezh
[2] https://zviazda.by/be/kultura
[3] https://zviazda.by/be/litaratura
[4] https://zviazda.by/be/tags/litaratura
[5] https://zviazda.by/be/tags/kniga
[6] https://zviazda.by/be/tags/kazki
[7] https://zviazda.by/be/tags/vydavectva-mastackaya-litaratura