Князь Манака Альбер II, у якога раней у сакавіку дыягнаставалі каранавірус, здаровы і адчувае сябе добра, перадае [1] РИА Новости са спасылкай на камюніке княскага палаца.
"Урачы, якія суправаджаюць Яго Святлейшую Высокасць Князя Манака Альбера II з выяўлення ў яго Covid-19, дазволілі сёння пакласці канец яго знаходжанню на карантыне. Князь здаровы і адчувае сябе добра", - гаворыцца ў дакуменце.
Князь Альбер II неўзабаве далучыцца да сваёй сям'і, ён працягне выконваць ізаляцыю, "захоўваючы цесны кантакт са сваім урадам і бліжэйшымі паплечнікамі".
Князь Манака раней здаў станоўчы аналіз на каранавірус, інфармацыя пра гэта з'явілася 19 сакавіка. Зараз здароўе 62-гадовага манарха не выклікае турботы.
Прэв'ю: italyrivieralps.com
Спасылкі
[1] https://ria.ru/20200331/1569415615.html
[2] https://zviazda.by/be/tags/karanavirus
[3] https://zviazda.by/be/tags/knyaz-manaka