Парламенцкі сход Саюза Беларусі і Расіі сёння на сесіі ў Санкт-Пецярбургу прыняў бюджэт Саюзнай дзяржавы на 2020 год, паведамілі БЕЛТА [1] ў прэс-службе сходу.
Даходы бюджэту Саюзнай дзяржавы ў 2020 годзе складуць 5 млрд 521,5 млн расійскіх рублёў. Асновай даходнай часткі стануць штогадовыя адлічэнні дзяржаў - удзельніц Саюзнай дзяржавы: 4 млрд 872 млн расійскіх рублёў, у тым ліку Расіі - 3 млрд 167 млн раійскіх рублёў, Беларусі - 1 млрд 705 млн расійскіх рублёў. Акрамя таго, у саюзны бюджэт будуць уключаны даходы, атрыманыя Тэлерадыёвяшчальнай арганізацыяй Саюзнай дзяржавы ад прадпрымальніцкай і іншай дзейнасці, якая прыносіць даход дзейнасці ў памеры 1,8 млн расійскіх рублёў, а таксама рэшткі сродкаў бюджэтаў Саюзнай дзяржавы мінулых гадоў у суме 647,7 млн расійскіх рублёў. "Даходная частка можа быць павялічана за кошт паступленняў ад штрафных санкцый, кампенсацыі шкоды, вяртання сродкаў, атрыманых і не выкарыстаных у мінулым годзе", - адзначылі ў прэс-службе.
Выдаткі бюджэту Саюзнай дзяржавы на 2020 год запланаваны ў памеры 5 млрд 377,1 млн расійскіх рублёў. Яны будуць накіраваны на фінансаванне 11 праграм, 2 праектаў і 25 мерапрыемстваў.
Бюджэт на 2020 год сфарміраваны з прафіцытам у 144,4 млн расійскіх рублёў. У параўнанні з 2019 годам прафіцыт саюзнага бюджэту скарочаны ў шэсць разоў.
Прыняты Парламенцкім сходам саюзны бюджэт на 2020 год будзе накіраваны на зацвярджэнне Вышэйшага дзяржсавета Саюзнай дзяржавы.
У рабоце сесіі Парламенцкага сходу прыняла ўдзел беларуская дэлегацыя на чале са старшынёй Палаты прадстаўнікоў Нацыянальнага сходу Уладзімірам Андрэйчанкам.
Прэв'ю: 24tv.ua
Спасылкі
[1] https://www.belta.by/economics/view/parlamentskoe-sobranie-prinjalo-bjudzhet-sojuznogo-gosudarstva-na-2020-god-370108-2019/?utm_source=belta&utm_medium=news&utm_campaign=accent
[2] https://zviazda.by/be/tags/sayuznaya-dzyarzhava
[3] https://zviazda.by/be/tags/byudzhet