На сцэне Вялікай канцэртнай залы Беларускай дзяржаўнай філармоніі 18 лістапада пройдзе канцэрт румынскіх музыкаў Габрыэля Краітору (скрыпка) і Міхаіла Хорыа (фартэпіяна). Пра гэта БЕЛТА [1] паведамілі ў аддзеле інфармацыі і сувязяў з грамадскасцю філармоніі.
Абодва музыканты - выканаўцы сусветнага ўзроўню, іх па праве лічаць найярчэйшымі прадстаўнікамі сучаснай румынскай музычнай школы. Пачынаючы з 2008 года, Габрыэль Краітору з'яўляецца адзіным выканаўцам, які мае права граць на скрыпцы "Сабор" працы Джузэпэ Антоніа Гварнеры-дэль-Джезу (1731). Гэтага права скрыпач уганараваны пасля нацыянальнага конкурсу, арганізаванага Міністэрствам культуры Румыніі і Нацыянальным музеем імя. Джорджу Энеску.
Міхаіл Хорыа - адзін з самых вядомых румынскіх піяністаў сучаснасці. Яму апладзіравалі на сольных канцэртах у Румыніі, Італіі, Англіі, Бельгіі, Францыі, Германіі, Ірландыі і ЗША, а таксама на выступах з аркестрамі Topeka Symphony, Boston University Symphony, University of Illinois Symphony і іншых. Джон Уільямс, Кіт Локхарт і Максім Венгераў - толькі некаторыя з дырыжораў, з аркестрамі якіх ён выступаў.
У праграме: Франчэска Марыя Верачыні, Вольфганг Амадэй Моцарт, Нікола Паганіні, Антанін Дворжак, Пётр Чайкоўскі, Чыпрыян Парумбеску, Каміль Сен-Санс, Габрыель Фарэ, Фрыц Крайслер, Эрнэст Блох, Мануэль дэ Фалья, Ёзэф Сук, Джорджэ Энеску.
Канцэрт праводзіцца пры падтрымцы пасольства Румыніі ў Беларусі, Нацыянальнага радыё Румыніі і Нацыянальнага музея імя Джорджэ Энеску.
Прэв'ю: vesti.ru
Спасылкі
[1] https://www.belta.by/culture/view/izvestnye-rumynskie-muzykanty-vystupjat-v-belgosfilarmonii-18-nojabrja-369382-2019/
[2] https://zviazda.by/be/tags/rumyniya
[3] https://zviazda.by/be/tags/muzyka