Published on zviazda.by (http://www.zviazda.by)

Хатняя старонка > У студэнта патрабавалі 50 рублёў за інтымныя фота

У Першамайскі РАУС г. Віцебска звярнуўся студэнт. Ён распавёў праваахоўнікам, што ў яго вымагаюць грошы ў суме 50 рублёў.

Супрацоўнікамі крымінальнага вышуку было ўстаноўлена, што малады чалавек пазнаёміўся з дзяўчынай у сацыяльнай сетцы "УКантакце". Пасля нядоўгай перапіскі, тая папрасіла адправіць ёй інтымныя фота суразмоўніка. Хлопец задаволіў просьбу, і не задумваючыся адправіў здымкі.

Як паведамляе аддзяленне інфармацыі і грамадскіх сувязяў УУС Віцебскага аблвыканкама, зыход перапіскі быў відавочны — старонка апынулася фэйкавай, а студэнту пачалі паступаць галасавыя паведамленні ад невядомага з патрабаваннем пераводу грошай пад пагрозай распаўсюджвання фота. Следчым камітэтам па факце вымагальніцтва заведзена крымінальная справа.

Сяргей РАСОЛЬКА

Тэгі:
Падзяліцца:

Спасылкі
[1] http://www.zviazda.by/be/tags/intym
[2] http://www.zviazda.by/be/tags/fota