Гэтымі днямі на палігоне пад Асіповічамі была паспяхова выпрабаваная мадэрнізаваная рэактыўная сістэма залпавага агню «Ураган». Яна прайшла праз глыбокую мадэрнізацыю на прадпрыемствах Дзяржаўнага ваенна-прамысловага камітэта.
Істотныя дапрацоўкі датычыліся тактыка-тэхнічных характарыстык. У сістэмы з'явілася новае шасі, на яго ўсталяваныя сучасныя сродкі навігацыі, сувязі, перадачы даных, пазіцыянавання...
Начальнік ракетных войскаў і артылерыі Узброеных Сіл — начальнік упраўлення ракетных войскаў і артылерыі Генеральнага штаба Узброеных Сіл генерал-маёр Генадзь Казлоўскі адзначыў:
— Усе пускі прайшлі паспяхова, і снарады трапілі ў цэль з высокай дакладнасцю. Але гэта былі толькі папярэднія выпрабаванні. Яшчэ некаторыя элементы трэба дапрацаваць. У хуткім часе «Ураган» чакаюць дзяржаўныя выпрабаванні. Пасля гэтага будзе вырашацца пытанне аб пастаўцы гэтых баявых машын у нашы Узброеныя Сілы.
Валяр'ян ШКЛЕННІК
Спасылкі
[1] https://zviazda.by/be/tags/valyaryan-shklennik
[2] https://zviazda.by/be/gramadstva
[3] https://zviazda.by/be/silavyya-struktury
[4] https://zviazda.by/be/tags/ministerstva-abarony
[5] https://zviazda.by/be/tags/zbroya