З 11 па 23 лістапада ў Беларусі пройдзе Міжнародны анлайн-конкурс па інфарматыцы і вылічальнай логіцы “Бабёр-2019”. Мерапрыемства праводзіцца з мэтай павышэння цікавасці з боку школьнікаў да інфарматыкі і інфармацыйных тэхналогій.
Нацыянальным каардынатарам конкурсу выступае Беларускі дзяржаўны універсітэт інфарматыкі і радыёэлектронікі. Да ўдзелу ў ім запрашаюцца навучэнцы ўстаноў агульнай сярэдняй адукацыі, дадатковай адукацыі, прафесійна-тэхнічнай і сярэдняй спецыяльнай адукацыі.
Для ўдзелу неабходна вызначыць арганізатара ад навучальнай установы і да 31 кастрычнiка падаць электронную заяўку на колькасць удзельнікаў у аргкамітэт конкурсу.
Анлайн-спаборніцтвы будуць праводзіцца для пяці ўзроставых груп навучэнцаў: I-III класы; IV-V класы; VI-VII класы; VIII-IX класы і X-XI класы.
Удзельнікам конкурсу будуць прапанаваныя заданні, складзеныя на аснове міжнароднага банка задач, зацверджаных на штогадовай Міжнароднай канферэнцыі супольнасці BEBRAS. Заданні двух тыпаў: тэставыя з варыянтамі адказаў, з якіх трэба выбраць правільныя, і заданні, дзе патрабуецца ўвесці адказ у тэкставае поле. Працягласць раўнда спаборніцтва складае 40 хвілін.
Пераможцы конкурсу ўзнагароджваюцца дыпломамі I, II, III ступені і дыпломамі абсалютнага пераможцы.
Удзел у мерапрыемстве бясплатны. З Палажэннем аб правядзенні Міжнароднага анлайн-конкурсу па інфарматыцы і вылічальнай логіцы “Бабёр-2019” можна азнаёміцца тут [1].
Надзея НІКАЛАЕВА
Спасылкі
[1] https://contest.yandex.ru/bebras-by/regulations/
[2] https://zviazda.by/be/tags/konkurs
[3] https://zviazda.by/be/tags/shkolniki-0
[4] https://zviazda.by/be/tags/infarmatyka
[5] https://zviazda.by/be/tags/logika
[6] https://zviazda.by/be/tags/infarmacyynyya-tehnalogii-0