У дзяжурную часць Пінскага ГАУС звярнулася з заявай мясцовая жыхарка, паведаміў старшы інспектар групы інфармацыі і грамадскіх сувязяў Пінскага гарадскога аддзела ўнутраных спраў Аляксандр Касцюкевіч.
Жанчына паведаміла, што яе знаёмы пінчанін, 1993 года нараджэння, прыйшоў да яе на работу. Там у ходзе гутаркі малады чалавек паскардзіўся, што ў яго смартфоне перастаў працаваць інтэрнэт і папрасіў яе даць сваю сім-карту для актывацыі інтэрнэт-злучэння. Заяўніца, нічога не падазраючы, дастала сім-карту са свайго тэлефона і перадала яе хлопцу. Пасля чаго адлучылася па рабочых справах.
Тым часам малады чалавек уставіў чужую сім-карту ў свой тэлефон і з дапамогай праграмы «V-банкінг» аформіў заяўку на крэдыт у суме 100 рублёў. Атрымаўшы пацвярджэнне, грошы перавёў сабе на банкаўскую картку і выдаліў гэтую праграму.
Праз некаторы час жанчыне прыйшло СМС-паведамленне пра запазычанасць.
Па факце махлярства ў дачыненні да мужчыны распачата крымінальная справа.
Канстанцін ЛЮТКЕВІЧ.
Спасылкі
[1] https://zviazda.by/be/author/kanstancin-lyutkevich
[2] https://zviazda.by/be/gramadstva
[3] https://zviazda.by/be/tags/zdarenni
[4] https://zviazda.by/be/tags/mahlyarstva
[5] https://zviazda.by/be/tags/sms-0
[6] https://zviazda.by/be/tags/sim-karta