Стан пасла Сербіі Велька Кавачавіча стабільны, самаадчуванне значна палепшылася, паведамілі БЕЛТА [1] ў прэс-службе Міністэрства аховы здароўя з дазволу пасла.
"Прычынай шпіталізацыі ў бальніцу хуткай медыцынскай дапамогі ў Мінску стала непрытомнасць, абумоўленая душным і гарачым надвор'ем", - адзначылі ў прэс-службе.
Здарэнне адбылося 22 чэрвеня падчас наведвання Велькам Кавачавічам і іншымі супрацоўнікамі пасольства каманды Сербіі ў Вёсцы спартсменаў. Пасол у цяперашні час знаходзіцца ў шпіталі ў сувязі з атрыманай траўмай - пераломам рэбраў і пнеўматораксам.
Неабходнае абследаванне для дыферэнцыяльнай дыягностыкі магчымых прычын непрытомнасці, а таксама ўся медыцынская дапамога аказаны на высокім прафесійным узроўні.
Спасылкі
[1] https://www.belta.by/society/view/samochuvstvie-posla-serbii-znachitelno-uluchshilos-minzdrav-352401-2019/
[2] https://zviazda.by/be/tags/zdarenne