У сталічную міліцыю звярнуўся індывідуальны прадпрымальнік, які займаецца пракатам веласіпедаў, прасіў дапамагчы яму вярнуць адну двухколавую машыну коштам 800 рублёў, якую арандатар адмаўляўся вяртаць.
Праваахоўнікі ўстанавілі, што два жыхары горада 26 і 29 гадоў заключылі здзелку паміж сабой: адзін узяў напракат веласіпед і... прадаў яго другому. Прычым, за 100 рублёў. Новы «гаспадар», у сваю чаргу, збыў яго на адным са сталічных рынкаў. Як паведамілі ў Цэнтральным РУУС г. Мінска, «веласіпедыстам» за іх учынак, які на юрыдычнай мове называецца махлярствам, пагражае пакаранне ў выглядзе штрафу ці папраўчых работ на тэрмін да двух гадоў, ці арышту, ці абмежавання волі на тэрмін да чатырох гадоў, ці пазбаўлення волі на той жа тэрмін.
Сяргей РАСОЛЬКА
Спасылкі
[1] https://zviazda.by/be/tags/syargey-rasolka
[2] https://zviazda.by/be/gramadstva
[3] https://zviazda.by/be/zdarenni
[4] https://zviazda.by/be/tags/zdarenni