27 красавіка ў Маладзёжным тэатры эстрады прайшоў 28-ы міжнародны міжвузаўскі конкурс грацыі і артыстычнага майстэрства «Каралева Вясна Беларусі – 2018».
За тытул «Каралева Вясна Беларусі -2018» змагаліся адзінаццаць прадстаўніц ад беларускіх ВНУ.
Уладальніцай тытула «Каралева Вясна Беларусі – 2018» стала студэнтка другога курса філалагічнага факультэта Віцебскага дзяржаўнага ўніверсітэта Марыя Салаўёва.
Тытул «Першай Віцэ-Каралевы» дастаўся Уладзе Вадзянавай – студэнтцы першага курса Брэсцкага дзяржаўнага тэхнічнага ўніверсітэта, будучаму спецыялісту ў галіне аўтаматызаванай апрацоўкі інфармацыі.
«Другой Віцэ-Каралевай» стала студэнтка першага курса Беларускага дзяржаўнага эканамічнага ўніверсітэта, будучы маркетолаг Вераніка Адамовіч. Дзяўчына таксама заваявала тытул «Каралева Вясна ONLINE» па выніках галасавання ў сацсетках.
Марыя, Улада і Вераніка прадставяць Беларусь у міжнародным фінале «Каралева Вясна – 2018», які пройдзе ў чэрвені ў Мінску.
Таццяна ТКАЧОВА, фота аўтара
Спасылкі
[1] https://zviazda.by/be/author/taccyana-tkachova
[2] https://zviazda.by/be/kaleydaskop
[3] https://zviazda.by/be/tags/karaleva-vyasna
[4] https://zviazda.by/be/tags/konkurs-prygazhosci
[5] https://zviazda.by/be/tags/konkurs-gracyi