МУС Беларусі апублікавала абноўлены спіс юрыдычных асоб і прадпрымальнікаў, якія маюць ліцэнзіі на працаўладкаванне беларусаў за мяжой. У яго ўвайшлі 200 фірмаў і арганізацый.
У асноўным прапануецца праца ў Расійскай Федэрацыі, найбольш запатрабаваныя там рабочыя будаўнічых спецыяльнасцяў і кіроўцы-міжнароднікі. Таксама ў беларусаў ёсць магчымасць знайсці працу ў Польшчы, Украіне, Літве, Латвіі, Эстоніі, Чэхіі, Аўстрыі, Даніі і іншых краінах. Некалькі агенцтваў прапаноўваюць мадэлям працу ў Кітаі, Карэі, Японіі і Італіі. Праграмісты могуць паспрабаваць свае сілы ў ЗША, Германіі і Каралеўстве Нідэрланды.
Беларускі дзяржаўны аграрны тэхнічны універсітэт працаўладкоўвае студэнтаў дзённых аддзяленняў сельскагаспадарчых ВНУ падчас летніх канікул у фермерскія гаспадаркі ў Германіі.
У пераліку ёсць і экзатычныя прапановы. Акрамя магчымасці папрацаваць у якасці абслугоўваючага персаналу ў ААЭ, Бахрэйне і Катары, праз "Беларускую калійную кампанію" можна ўладкавацца дырэктарам у Бразілію.
Спіс быў створаны ў рамках рэалізацыі мерапрыемстваў па супрацьдзеянні гандлю людзьмі.
Яго можна паглядзець тут [2].
Спасылкі
[1] https://zviazda.by/be/gramadstva
[2] http://zviazda.by/sites/default/files/spisok_yuridicheskih_lic_osushchestvl_deyatelnost_po_trudoustroystvu_za_predelami_respubliki_belarus_na_sayt.doc
[3] https://zviazda.by/be/tags/myazha
[4] https://zviazda.by/be/tags/pracauladkavanne
[5] https://zviazda.by/be/tags/firma
[6] https://zviazda.by/be/tags/praca
[7] https://zviazda.by/be/tags/mus